БЕЛАРУСКІ АЎТАПОЛК

У SUSTRECHA з’явіўся  ўласны міні-дадатак для валанцёраў!

Мы рады паведаміць, што цяпер стаць валанцёрам SUSTRECHA стала яшчэ прасцей!

У SUSTRECHA Volunteer App валанцёры могуць:
🤝 хутка атрымліваць новыя заяўкі на дапамогу;
📍 бачыць актуальныя валанцёрскія задачы;
💬 падтрымліваць сувязь з каардынатарамі;
🚗 удзельнічаць у гуманітарных і валанцёрскіх місіях;
📊 сачыць за сваёй актыўнасцю ў праектах арганізацыі.

Гэта толькі пачатак! Мы працягнем развіваць дадатак і дадаваць новыя магчымасці, каб зрабіць валанцёрскую дзейнасць больш зручнай, хуткай і эфектыўнай.

Дзякуй кожнаму, хто дапамагае рабіць дабро разам з намі! ❤️

#SUSTRECHA #Валанцёры #Дапамога #БеларусыВаУкраіне #VolunteerApp #Сустрэча

Чытаць на сайце

Сябры, цяпер вы можаце пісаць адміністратарам наўпрост праз паведамленні каналу.

Каб звязацца з намі, проста націсніце кнопку чата ўнізе экрана. Мы заўсёды адкрытыя да вашых пытанняў, прапаноў і водгукаў.

Звязацца з намі

Невялікі апдэйт ад «Аўтаполка»: мы пераганяем не толькі легкавыя аўто і маленькія бусікі. Нядаўна перадалі фуру!

Працы шмат, задач яшчэ больш. Таму калі на канале ціха, значыць часу на допісы не застаецца :)

Далучайцеся да нас!

«Аўтапалку» патрэбныя кіроўцы!

ЗСУ, як і заўсёды, трэба шмат аўто. Запыты не спыняюцца. І зараз як ніколі нам патрэбныя валанцёры, якія могуць прыгнаць машыны.

Калі вы можаце сесці за руль і дапамагчы — напішыце нам. Усё арганізуем і патлумачым — вы не застанецеся сам-насам з “як гэта працуе”!

Дзякуй!

Зробім Беларускі Пункт Нязломнасці ў Кіеве разам! Далучайцеся!

Увесь свет ведае, які зараз ва Украіне цяжкі час, і ў прыватнасці ў Кіеве: мароз, абстрэлы, электраэнегрія па пару гадзін на дзень. Людзі застаюцца без цяпла, без святла, кутаюцца ў тры коўдры, каб зусім не змерзнуць у хаце, калі на вуліцы -16, а батарэі — халодныя.

Часта няма магчымасці нават нармалёва падзарадзіць тэлефон. Карацей, людзі зараз засталіся без рэчаў, якія ў звычайны дзень нават не заўважаеш.

Мы ў «Сустрэчы» хочам зрабіць сваю версію таго, што ва Украіне называюць «цэнтрам незламності». Месца, куды можна прыйсці, каб сагрэцца, падзарадзіць тэлефон і выпіць гарбаты. Як звычайна: ідэя з’явілася — і мы хочам рабіць гэта адразу. З месцам і часам вызначымся, калі ўсё будзе больш-меньш падрыхтавана.

Але без вашай дапамогі будзе вельмі складана.

Што нам патрэбна для арганізацыі:

- цеплавая гармата (вялікі абагравальнік тыпу прамысловага)
- палатка/шацёр (арэнда — каля 1000 грывень за дзень, але мабыць у вас такая ёсць?)
- генератар
- падаўжальнікі, перахаднікі, разетачныя блокі
- павэрбанкі, EcoFlow (калі вы можаце штосьці пазычыць ці перадаць — мы будзем радыя)
- тэрмапот, каб грэць ваду на гарбату, аднаразовыя стаканчыкі, гарбата, цукар, мабыць — штосьці да гарбаты

Калі ў вас ёсць нешта са спісу (нават на час) — напішыце нам.

Калі можаце дапамагчы з арэндай/закупам — таксама напішыце, мы скажам, што зараз найбольш патрэбна для рэалізацыі ідэі.

Калі вы проста хочаце дапамагчы рукамі — заўсёды радыя.

Рахункі для дапамогі:
— мона-банка
— праз PayPal
— па спасылцы на EUR картку (Revolut) ці за нумарам карткі 5354563141951556

Нам трэба паказваць, што мы побач з Украінай. Так, мы намагаемся рабіць гэта штодзённа цягам амаль 6 гадоў, але вораг не спыняецца, не павінны спыняцца і мы.

Крышачку з жыцця беларускaга автополка.
Мы не крычым пра сябе, мы проста працуем. Днём, ноччу, у дождж і снег. Прывозім тое, што трэба, туды, дзе гэта патрэбна.

І так, мы гэтым ганарымся. Бо калі можаш рабіць дабро — робіш. І не чакаеш падзякі.

✔️ Чарговых семь аўто — зноў в Украіне.
Нашы валанцёры чарговы раз прабілі дарогу праз снег, дождж, трасу якая не даруе памылак і дробныя, але ўпартыя паломкі. Было цяжка, доўга, вымотваюча — але яны даехалі. Бо ведаюць, для каго і для чаго гэта ўсё робіцца.

Мы шчыра дзякуем:
1️⃣ Усім валанцёрам, якія асабіста сядзелі за кармом і кіравалі гэтымі аўтамабілямі. Гэта дні, з'едзеныя дарогай, стомленасць, адказнасць і пастаяннае напружанне.
2️⃣ Усім, хто падтрымлівае нас — грашыма, часам, рэпостамі, дарай парадай, любым учынкам.
3️⃣ Асобны дзякуй партыі ОГП— і асабіста Андрэю Тупоўскаму. Чалавеку, які сам не раз гнаў аўто і ведае, што гэта за выпрабаванне. Дзякуючы яго ініцыятыве,праз партыю ОГП валанцёры ў гэтай паездцы мелі каву ,смаколікі і сплочаныя абеды. Гэта дробязь толькі для таго, хто ніколі не быў у такіх паездках. Для тых, хто быў — гэта вялікая падтрымка.

Мы заўсёды кажам адно і тое ж:
🔸 нехта траціць грошы,
🔸 нехта траціць час,
🔸 нехта сілы або асабісты спакой.
Але маленькай дапамогі не бывае. Кожная дапамога — гэта ўнёсак у агульную справу, партыя ОГП таму прыклад.

Дзякуй кожнаму, хто робіць гэты шлях магчымым.
Працягваем далей ...

Расказваем, колькі зарабляюць валанцёры

Нісколькі. Ходзіць шмат чутак, але вось як выглядае праца:
Варшава — Кіеў. 780 км. 12 гадзін. Каля 5 — на мяжы.

Валанцёры бяруць выходныя і адпрошваюцца з працы.
Ім не плацяць «купу грошай».
Яны ахвяруюць сном, часам і грашыма, каб перагнаць аўто.

Па дарозе трэба не заснуць, сачыць за станам машыны. У Кіеве валанцёры не жывуць у гатэлях і амаль не маюць часу на адпачынак. Перадаюць аўто і вяртаюцца назад. Зноў у дарозе, а потым — на сваю працу.

На шляху бывае ўсякае: паломкі, затрымкі, аварыі. Чаго толькі не было за час існавання «Беларускага Аўтапалка»!

Але мы вязем машыны. І будзем працягваць гэта рабіць дзякуючы валанцёрам.

Калі чуеце, што «яны на гэтым зарабляюць» — узгадайце наш пост.

Мы абралі гэты шлях свядома і не шукаем у ім выгады. Калі мы і шукаем нешта, дык толькі людзей, гатовых далучыцца да агульнай справы дапамогі Украіне і Беларусі.

Дзякуй кожнаму, хто сярод сваіх справаў знаходзіць час і абірае прывезці аўтамабіль для ЗСУ.

Вы — нашая моц.

Валанцёры «Аўтапалка» даставілі машыны для ЗСУ.

Нашая справа працягваецца штодзённа. Бо наш супольны з Украінай вораг не спыняецца, таму не павінны спыняцца і мы.

Адна машына ці дзесяць — не важна. Важна, што гэта ратуе жыцці. Важна, што мы побач у самыя складаныя часы.

Дзякуй! Далучайцеся да нашай справы — мы радыя кожнаму і кожнай!

Гэта беларуска, якая ўжо больш за год прайходзіць вельмі цяжкае лячэнне.
І пры гэтым — чалавек, які зрабіў вельмі шмат для падтрымкі Украіны.
Яна дапамагала валянцёрам, удзельнічала ў зборах, арганізоўвала дастаўкі — рабіла ўсё, што магла, каб быць карыснай, нават калі самой было няпроста.

Цяпер ёй патрэбная дапамога.
Проста, каб жыць, каб працягваць лячэнне, каб утрымацца.

Мы просім усіх, каму неабыякава:
падтрымайце яе, калі можаце.

Кожны еўра, кожны рэпост, кожнае слова падтрымкі — гэта сапраўдная дапамога.

👉 [https://www.facebook.com/share/1Ffiq2N8Zh/]

Нашыя дзяўчынкі — моц!

Чарговыя машыны даехалі да ЗСУ дзякуючы нашым валанцёркам. Такія паездкі звычайна няпростыя. Гэта няблізкая дарога, часам не заўсёды камфортная. Але ж яны бяруць на сябе адказнасць без лішніх словаў. Мы ганарымся, што столькі цудоўных беларусаў і беларусак дапамагаюць і нам, і Украіне.

Дзякуй кожнаму і кожнай, хто падтрымлівае «Аўтаполк». Мы ведаем, дзеля чаго ўсё гэта і працягваем нашую справу.

Беларуска-ўкраінскі хаб «Сустрэча» і Беларускі аўтаполк віншуюць ўкраінскі народ з Днём Незалежнасці!

Сёння мы разам з вамі святкуем сілу волі і свабоды, якія сталі падмуркам сучаснай Украіны. Ваша адвага і непахіснасць у змаганні за незалежнасць з’яўляюцца прыкладам для ўсіх нас.

Беларусы і ўкраінцы стагоддзямі былі побач, і сёння мы разам працягваем бараніць тое, што для нас найдаражэйшае — волю, годнасць і права на будучыню.

Хай гэтая барацьба скончыцца перамогай, і на ўкраінскай зямлі пануе мір, свабода і росквіт. Мы разам — і гэта надае сілы!

Слава Украіне! Жыве Беларусь!

Нашыя валанцёры прывезлі чарговае аўто — на гэты раз для Нацыянальнай гвардыі Украіны!

Машына гатовая служыць там, дзе патрэбна. Дзякуй і павага валанцёрам — шлях ніколі не бывае супер-лёгкім ды павольным :)

Як вы бачыце, мы працягваем дапамагаць, бо ведаем, што падтрымка важная заўсёды. Пакуль не скончыцца вайна і пакуль не зменіцца ўсё тое, ад чаго мы ўцякалі самі.

Каб мы маглі працягваць дапамагаць Украіне, падтрымліваць добраахвотнікаў і абараняць добрае імя беларусаў — патрэбна і вашая падтрымка «Сустрэчы».

Без гэтай прасторы будзе немагчыма працягваць нашую працу.

Як падтрымаць:

🇺🇦 Карта ўкраінская: 4731 1856 1402 7263
💳 па спасылцы на EUR картку ці за нумарам карткі 5354563141951556
🌐 праз PayPal

Беларусы збіраюць каманду на міжнародны ветэранскі фестываль Carpathian Yomp, які пройдзе ў Карпатах 22–25 жніўня.

Мы ўжо далучаемся, і запрашаем усіх, хто хоча ехаць з намі!

Фестываль аб’ядноўвае ветэранаў, валанцёраў, іх сяброў і ўсіх неабыякавых. Усіх, каму важна адчуваць салідарнасць супольнасці.

Будуць паходы, гульні, размовы — тое, што грэе сэрца ў такі складаны час.

📍 Карпаты, 30 хвілін ад Івана-Франкоўска
📆 22–25 жніўня 2025

Праграма:
— Пешаходны марш (16, 40 або 60 км)
— Петанк, стральба з лука, рыцарскія боі
— Агульны лагер, адкрыццё, вячэры, зносіны

Удзел платны толькі для цывільных — 700 грн.

Для ветэранаў і дзейных добраахвотнікаў — бясплатна.

📌 Паедзем централізавана, мы на сувязі з арганізатарамі. Можна ехаць як групай, так і асобна.

Калі хочаце далучыцца, напішыце нам:

📩 Святлана: @SvetlanaShatilina
📩 Алена: @luka40387
📩 Прадстаўнік ад беларускіх добраахвотнікаў: @Vitovt13

Будзем разам у Карпатах. Нашая сіла — у людзях побач.

Вось такі вялікі шлях прайшла чарговая машына для ЗСУ!

І не пустая, а цалкам загружаная гуманітаркай, якую сабралі беларусы і беларускі.

Дзякуй усім, хто дапамагаў — справай, грашыма, перадачамі. Гэта наш агульны ўнёсак у перамогу.

Яшчэ дзве машыны — ужо на фронце.

Кожнае, кожнае аўто вельмі важнае, спадарства. Бо за кожнай машынай стаіць каманда валантэраў, і калі машына ўжо на перадавой — яна робіць сваю грунтоўную працу: вывозіць параненых, дастаўляе прыпасы, даязджае туды, куды пешшу не дойдзеш.

Дзякуй усім, хто побач. Дзякуй, што нягледзячы на агульную стому праца не стаіць на месцы!

Хочаш быць часткай Беларускага Аўтапалку? Напішы ў бот. У нас заўсёды ёсць, што рабіць :)