"Ихара ааигәамхацызт, иҩба хԥамхацызт".

Абас рҳәоит зықәрахь инеихьоу, аха макьана зымч ҭоу ауаҩы изкны. Аԥсшәа иалоу абри аидиома сахьарк аҵакы дахцәажәоит абызшәадырҩы Анатоли Хьециа истатиақәа руак аҿы.

• Ихара ааигәамхацызт – иблабара иагымхацызт, ишибац ихараны ибон;
• Иҩба хԥамхацызт – алаба имкыцызт; иҩба = иҩ-шьапык.

Аҵарауаҩ иааигоит ԥшралеи хархәашьала еиуеиԥшым алаба хкқәа рацәаӡаны, иаҳҳәап: ахьча лаба, апап лаба, аурым лаба (алабҷашь), аҩыҵра лаба (костыли), ахьыӡрацара лаба, алаба ӷра (жезл регулировщика), алаба́ҟәа (булава, палица), алаба́заҵә/алахҭы́м (жердь), алапҟьа уҳәа иҵегь.

Уажә иахьа аџьықәреи иҿало азы алапҟьа́ ҳҳәоит, аха ари ажәа зхылҿиааз алабоуп: алаб-ҟьа – ашәыр злаҿырхуа. Аҵакы еиҭарсны иаҳԥылоит ажәаԥҟаҿгьы: Ашәыр зҿоу аҵлоуп алапҟьа згәыдырҵо – ак ҟазҵо иоуп акритика зауа.

🧡 Ахьыуардын шәақәтәа