Хысроуп.
Аҟәҟәаҳәа еиларҵоит ахацәа.
Диит ауаҩы иҭаҷкәым хәыҷқәа раҵәа.
Ихысуеит ахацәа,
Аҵеи изҳаны
Хысбжьык иаҳаргьы
Дҟамларц дырҳаны...

(Денис Чачхалиа)

"Ахы" (пуля) иазкуп иахьатәи Ажәарыԥхрақәа, ахы (голова) иацы ҳазааҭгылахьан. Арҭ аҩ-ажәак рҩышьала еиԥшуп, аха рҳәашьа еиԥшӡам бзыԥаа рҿы, ихаз-хазу шьагәыҭқәоуп. Ражәахырҿиаарагьы иаҳнабоит рҵакқәа ахьынӡеицәыхароу.

Ааха́ (ранение, урон), а́ахара/иса́ахеит аҟаҵарба иахылҿиааит, ҩ-шьаҭак рыла ишьақәгылоуп -аа (аара - приход сюда) + ахы (пуля).

Абыӷьшәы иану егьырҭ ажәақәа рхалагьы ицәажәоит.

Жәабран 23 аԥсадгьыл ахьчацәа рымш Аԥсны уажәшьҭа иазгәаҳамҭозаргьы, иҟоуп Урыстәыла арра иахысуа, ма аҵара зҵо ҳҿар, иара убас абри аамҭазы аибашьра амцашыра иалагылоугьы. Рхымҭа камшәааит!

#ажәарыԥхрақәа

🧡 Ахьыуардын шәақәтәа