Булоқбоши ва Марҳамат туманларида ҳарбий хизматчиларига янги хизмат уйлари топширилди.

Булоқбоши тумани “Навоий” маҳалла фуқаролар йиғини ҳудудида жойлашган чегарани қўриқлаш взводининг янги барпо этилган маъмурий биноси ҳамда хизмат уйи, шунингдек, Марҳамат тумани Ўқчи маҳалласида янги барпо этилган 32 хонадонли хизмат уйи фойдаланишга топширилди.

Ҳарбий хизматчилар, уларнинг оила аъзолари, кенг жамоатчилик вакиллари иштирокида янги уйларнинг топширилишига бағишланган тадбирларда сўз олганлар мамлакатимизда миллий армиямиз, хусусан, чегара қўшинларининг жанговар салоҳиятини юксалтириш, ҳарбий хизматчилар ҳамда уларнинг оила аъзоларининг яшаш шароитларини яхшилаш борасида кенг кўламли ишлар амалга оширилаётганлигини таъкидлади.

Юртимизнинг энг чекка ҳудудлари бўлган Булоқбоши ва Марҳамат туманларининг Қирғиз Республикаси билан чегара ҳудудида хизмат бурчини ўтаётган чегара қўшинлари ҳарбий хизматчилари учун фойдаланишга топширилган янги уйлар ҳарбийлар ва уларнинг оилалари учун муносиб совға бўлди. Янги уйларнинг шинам, кенг ва ёруғ хонадонларида яшовчилар учун зарур барча шарт-шароитлар яратилган. Бундан ташқари, уй олдида болалар майдончаси барпо этилганлиги ҳам яшовчиларга катта қулайликлар яратади.

Andijan.uz|Facebook|Instagram|Youtube|X