یعقوب_نیکزاد
آیاق آلتیندا قالیب اؤز دردیم
آوارا قالمیش، آدامسیز دردیم
قاچیرام آرزو دالینجا هر گون
بیر اؤلوم حالدادی یالقیز دردیم
پوزولوب باغچا، باغیم ایللردیر
قونوشوبدور خزله سؤز دردیم
باکی‌دان جانلی کولک اسدیکجه
داغیلیر اوستومه تبریز دردیم
اورمو دوشدو دومانا، آردینجا
هله‌ده پؤهره‌له‌نیز دوز دردیم
ییغیلیب گؤز، قولاغیم یوللاردان
آغریمین کؤکسونه یارپیز دردیم
سئوگینی اووجوما قویماز کیمسه
گؤزومه گیرمه‌سه دوققوز دردیم
آخی اؤز دردیمه قورخوم یوخدور
سارسیدیر گونلریمی «بیز» دردیم
پاییز آخشاملاریما، آیدین‌دیر
گول آچیب‌دیر کارا گلمز دردیم
من توتولمازدیم آها، ظننیمجه
اودا چکدی قورو پاپریز دردیم
https://t.me/Adabiyyatsevanlar
Post #30357
335