حیدر بیات
سونرا یاغیش یاغدی
من یئریدیم، یاغیشلا دانیشمادان
سونرا توز اسدی
من یئریدیم، توزو یامانلامادان
آما او گؤزلریمه دولدو
من تله‌سیردیم
بلکی سن ایدین
بیر الینله اوزومه یاغیش چیله‌دین
بیر الینله گؤزومه توز سپدین
من تله‌سیردیم
بیر بالتا گزیردیم
اؤز هئیکلیمی سیندیرماغا
و بوتون هئیکل‌لر منه بنزیردی
هر کس بیر بالتا گتیرمیشدی
کیمسه اؤز هئیکلینی سئچه بیلمیردی.
بیز هامیمیز
بیر-بیرینه بنزیردیک.
https://t.me/Adabiyyatsevanlar
Post #31015
75