ناصر داوران
قورخورلار

بيزي گؤزلريميزدن آسديلار
اونلار قورخوردولار
ماوي گؤزون دنيزليييندن.
بيزيم ديليميزي گولله له ديلر
اونلار بيليرديلر 
ديليميز
ياساق سؤزجوكلرين چيچكليييدير
و دانقاز ديلكلرين 
ايپك يولو.
اوره ييميزي 
اويوم ـ اويوم ائله ديلر
زهرلي سونگولرله
سئوگيميز ديدرگين دوشوب
كپه نك سمفونياسين ياشاماسين دئيه
يتيم هيجانلاريميز.
اونلار بيلكلريميزی ووردولار
اونلار تارلالاردا
سونبول ـ سونبول
شعيرلشن اللريميزين
دويونله نيب يومروق اولماسيندان قورخوردولار.
https://t.me/Adabiyyatsevanlar