نادر_الهی
سسیم گرایلی دی گویلوم شکسته‌دیر، نازلیم
علاج نه‌دیر کی یارام اوسته اوسته‌دیر ،نازلیم
بو نرگیزیم ،بو بنووشه‌م ،بو حسرتیم ،بودا من
قاییت ،گوزوم قولاغییم یولدا سسده‌دیر نازلیم
آنام باهار آیاق اوسته ناماز قیلا بیلمیر
کی سرو اوغوللاری قددی شکسته‌دیر ،نازلیم
منیم سسیمدی بو قاتل کیمی آسیلمیش ساز
منیم سسیمدی بو قوش کی قفسده‌دیر نازلیم
بولاق دییل گوزو آغلار قالان اوشاقلاردیر
چیچک دییل،گولوش آغزیندا پوسته‌دیر نازلیم
دومانلانیر باخیشیٛندا سوال آخی نه دییم ؟!
سسیم گرایلی دی ،گویلوم شکسته‌دیر نازلیم.
https://t.me/Adabiyyatsevanlar
Post #30355
573
