کریم گول اندام

دوغوم گونوم
---------------
  قَهََر لنمیرم
اؤتری  باخارکن کئچمیش  یوللارا
حالا دیمدیک آیاغیم اوسته
سکسنه دوغرو گئدیرم یولداشلار !
یورغون بیر گونشین  باتدیغی یئره !

نه ایچیمده بوشلوق،
نه اؤنومده داشلیق  وار

اوره ییمده  دویغو سال بیر یولداشلیق وار
وارایکن  حالیما  یانانلارا
یوخ ایکن خاطیره می  آنانلارا

یئتمیش دوققوز بوداق بولدوم عؤمرومون  آغاجیندا
سکسنه  دوغرو  گئدیرم  یولداشلار
چوخلاری ایله بیرگه یولا چیخدیغیم
چوخلارینی اورک آجیلاری  ایله آرخادا بوراخدیغیم
چوخلاری ایله بیرلیکده چارپیشدیغیم  یولداشلار .
چاتابیلمه دیگیمیز آماجلار، بارین درمه دیگیمیز آرزولار،سیزه امانت
سکسنه دوغرو  گئدیرم !
حالا جوجوق بیر اورک وار کؤکسومده،
شیلتاق، کؤرک بیر اورک !
وقیلجیق دامارلاریمدا گزن دلی بیر سئودا
بونلا بئله،
اکن آتاما، دوغان آناما،عؤمورلوک حیات یولداشیما،
حؤرمتینی اسیرگه مه ین هر بیر آرخا داشیما
ادعاسیز منی اوره یینده ازدیرنه
تمناسیز کوره یینده   گزدیرن یئره کوره سینه
سایغیلاریم وار
سکسنه دوغرو گئدیرم یولداشلار ،
منله بیرگه یانانلارا
مندن گلیب اؤتن لره
منی هردن آنانلارا
عشق اولسون!

          تیر آیی نین بیری
        1405/4/1-اورمو
          

https://t.me/Adabiyyatsevanlar