اوشاق ادبیاتی
آهارسی پادشاه ببر
چئویرمه: منیژه جم‌نژاد
اوچونجو بولوم ،سون.
زودی پنجه‌سینی بوزا ووروب، آستاجا دئدی:
«هامیمیز وطن اوز‌لَمی چَکریک، آهارسی. آما باخ بیزیم گؤرونوشوموزه — بیز او قَدرده فرقلی دئییلیک. سَن بنگال‌دان‌سان، من آفریقادانام، آما بیزیم بیغلاریمیز بیر‌بیری‌نین آیناسی کیمی‌دیر!. باخ بورا...»
او، پَنجه‌‌سی‌له بوزون اوستون‌ده زیگزاگ بیر چیزیق چکدی کی آچیق ایشیق دا پاریلدادی.
«ایکیمیزینده بونلاردان واریمیز!» – دئدی زودی، گؤلومسه‌دی و پَنجه‌لرینی گؤستر‌دی.
---
اوچونجو بولوم
بو آن دا فیل لرین قفسی طرفیندن باغین گوشه سیندن اوجا شیپور سسی گلدی:
آهارسی دئدی: « اونلار فرقلی دیر... بیز ایکیمیز ده پیشیک لردنیک. من او فیل لرکیمی دئییلم. »
زودی گؤلدو:
«اونلار فرقلی گؤرونرلر، فرقلی سَس چیخاردیرلار، آمّا من شرط ائلَیرم کی، فیل‌لر ده وطن اوز‌لمی چَکرلر. دوز بیزیم کیمی.»
آهارسی شک لی دئدی: «آما فیل لر چوخ گوجلودولر؛ اونلار هئچ زامان اوزولمزلر ائله دیر؟ آنام دئیردی فیل لر هئچ نه یی اونودمازلار!»
زودی گؤلوب دئدی:
«دوزدور! فیل، هیچ زامان اونوتماز!»
« امینم کی، زبرا‌لار هیچ زامان قورخمازلار!» – دئدی آهارسی.
« اونلاری باغبانین تراکتورو سَسینی ائشیدَنده گؤرمَه‌میسن؟» – دئدی زودی.
« کروکودیل‌لر نئجه؟ اونلار دا قورخورلار، یا اوزگون اولورلار؟» – دییه سوروشدو آهارسی.
«اونلاری گؤرمَه‌میسن نئجه سویون آلتیندا گیزلنیر‌لر؟» – دئدی زودی. هامیمیز هردن ائویمیزی اوزولورک آهارسی.
بو فرقلی‌لی اولمامیز اونون اوچون‌دور. بیز فرقلی‌ییک کی، کیم اولدوغوموزو اونودمایاق. من باخ، بئله اوزون قویروغوم وار – یادیما سالیر کی، بیز پلنگ‌لر آغاجلارین باشیندا ان یاخشی کندیربازلاریق!»
آهارسی گولومسه دی:
«منیم ده شیریقلاریم وار، اوت علف لرین آراسیندا گیزلنرم. بیز ببرلر بنگالین ان یاخشی اووچوسویوق!»
زودی گؤلومسه دی:
«دوزدور. شیریق‌لارین همشه سنینله قالاجاق، آهارسی.»
آهارسی دئدی:
«ائله فیل‌لر ده، اوزوگون اولسالار، اونلارین خرطوم لارینا باخیب، ان یاخشی اوزگونچو اولدوقلارینی یادا سالا بیلرلر. کروکودیل‌لر ده، قورخاندا، بارماقلارینین آراسیندا کی پرده‌لره باخیب، یادا سالارلار، اونلار چایلارین ان هیزلی اوزنلری دیر...»
جوان ببرین گؤزلری آستا-آستا آغیرلاشدی.
هاوا آرتیق قارالمیشدی، حیوانلارین باغی مینلرحیوانین سسی له دولموشدو. بیرآزی خاللی، بیرآزی یول یول، بیر بیرینه بنزرسیز.
گؤیده میلیونلار اولدوز پارلادیقدا، آهارسی آنلادی کی، حیوانلار دییشیک اولسالار دا، اونلارین ایچینده بنزر حس‌لَری وار.
آهارسی اوندا بیلدی کی، او هئچ زامان تک قالمایاجاق، اوز ائوینی اوره‌یینده داشیاجاق دیر.
https://t.me/Adabiyyatsevanlar
Post #30339
316