اوشاق ادبیاتی
آیی وسیچانین ناغیلی
بيرآيي راحاتجا ياتميشدي.
اوْ، اوزانيب ايستراحت ائدركن بيرسيچان گزه - گزه گليب اوستونه چيخدي .
آيي يوخودان اوياندي .

اَل آتيب سيچاني توتدو .
سيچان آيي يا يالواري بدئدي :
- سن گَل مني بوراخ، يئري دوشنده منده عوضيني چيخارام .
آيي گوله - گوله دئدي :
- سن منه نه ياخشيليق ائده بيلرسن؟
سونرا اوُ، سيچاني بوراخدي .

بير اوْوچو (شكارچي ) مئشه ده تور قورموشدو .
آيي همين تورا دوشدو .
نه قدر اَللشدي سه ده توردان خيلاص اولا بيلمدي .
آيي نعره چكيب فغان ائتدي .
گؤزلرينين ياشي سئل كيمي آخدي واونون توردان خيلاص اولماغا هئچ بير اوميدي يوخ ايدي .
سيچان آيينين آه - ناله سيني ائشيتدي .
بيلدي كي،آيي تله يه دوشوب .

اوْ، تئز اؤزونو اورايا چاتديردي .
گليب ايتي ديشلري ايله تورو كسدي .
آييني خيلاص ائتدي .
آيي دئدي : قالميشديم قمده،ياخشيليق ايتمزايميش عالم‌ده .
https://t.me/Adabiyyatsevanlar
Post #30337
275