میكاییل_مشفق

سن اونون عشقیله، محبّتیله،
وورمادین عؤمرونو باشا اوره‌ییم!
سئوگی هدفینی نیشان آلاندا،
دَیدی‌می اوخلارین داشا، اوره‌ییم!

سئوگی دریاسیندا روحوم بیر آدا
فیرتینام زیادا، دالغام زیادا
او ائللر گوزلی دوشنده یادا،
آز قالیر خیالیم چاشا، اوره ییم!

سن جانی جاناندان آیری توتمادین
اودورکی «وفاسیز» دئییلدیر آدین
او سنی اونوتدو، سن اونوتمادین
یاشا محبّتیم، یاشا اوره‌ییم...!

https://t.me/Adabiyyatsevanlar