⚡️WHITE PANTHER CUP - 2024⚡️

Прапанова падтрымаць ці выступіць партнёрам вялікага дзіцячага атлетычнага турніру ў Кіеве.

Шаноўныя сябры!

Як і год таму, Беларускі фонд спартыўнай салідарнасці далучаецца да правядзення ўсеўкраінскага дабрачыннага дзіцячага турніру "Кубак Белай пантэры". Разам з грамадскай арганізацыяй "Дабрачынныя ініцыятывы Вольгі Саладухі" і іншымі ўкраінскімі партнёрамі мы ладзім найбуйнейшае дзіцячае і юнацкае спаборніцтва Украіны па лёгкай атлетыцы. Мэта турніру - падтрымаць маладыя таленты з усіх рэгіёнаў Украіны і натхніць іх на працяг спартовай актыўнасці і здаровага ладу жыцця. Ва ўмовах вайны такія падзеі маюць асаблівае сацыяльнае значэнне.

Дзіцячы турнір "Кубак Белай пантэры" адбудзецца 13 снежня 2024 года ў Кіеве і збярэ больш за 250 юных атлетаў з усёй Украіны. Турнір праходзіць на прызы славутай украінскай лёгкаатлеткі, бронзавай алімпійскай прызёркі, чэмпіёнкі свету і Еўропы па лёгкай атлетыцы, прэзідэнткі Фэдэрацыі лёгкай атлетыкі Украіны Вольгі Саладухі.

Мы збіраем кошты на арганізацыйныя выдаткі і невялічкія сувеніры для ўсіх маленькіх удзельнікаў.

Падтрымаць турнір можна па спасылцы. Каб выступіць афіцыйным партнёрам турніру, просім звярнуцца ў наш чат-бот: @bssfbot

https://youtu.be/1zhNiWiB_Xg?si=FFdaoL8YavRGWfKq