🔯 Əli Əkbər Vilayəti: Hicablı şagirdlərin məktəbə buraxılmadığı Azərbaycan İslam Əməkdaşlıq Təşkilatının sammitinə necə ev sahibliyi edə bilər?

İranın keçmiş xarici işlər naziri Əli Əkbər Vilayəti İsrail Prezidenti İsxak Hersoqun 15 oktyabr 2026-cı ildə Bakıda keçirilən və Prezident İlham Əliyevin ev sahibliyi etdiyi Asiyada Qarşılıqlı Fəaliyyət və Etimad Tədbirləri üzrə Müşavirənin (AQEM) VII Zirvə Toplantısında iştirakına Azərbaycanın münasibətini tənqid edib.

Vilayəti X sosial şəbəkəsində paylaşdığı açıqlamada Türkiyə nümayəndə heyətinin Hersoqun çıxışı zamanı zalı tərk etməsini İsrail prezidentinin Bakıda «isti qarşılanması» ilə müqayisə edib.

O yazıb:

“Türkiyə Hersoqun çıxışı zamanı AQEM sammitini tərk etdi. Bəs Bakı nə etdi?”

Vilayəti bu suala özü iki sözlə cavab verib:

“İsti qarşılama”.

Vilayəti, həmçinin hicablı şagirdlərin məktəblərə buraxılmaması və bəzi müəllimələrin hicablarını çıxarmadıqları təqdirdə dərs demələrinə icazə verilməməsi ilə bağlı məlumatlara istinad edərək Azərbaycanın İslam Əməkdaşlıq Təşkilatının (İƏT) növbəti Zirvə Toplantısına ev sahibliyi etməsinin məqsədəuyğunluğunu sual altına qoyub.

O bildirib:

“Hicablı şagirdin məktəbə buraxılmadığı bir şəraitdə Azərbaycanın növbəti İƏT sammitinə ev sahibliyi etməyə uyğunluğu sual doğurur”.

Vilayəti sonda Bakıda baş verən hadisələrin müsəlman dünyasına aydın mesaj verdiyini vurğulayaraq məsələni belə bir seçim kimi təqdim edib:

“Öz imanını qorumaq, yoxsa Təl-Əvivlə dostluq etmək?”

✡️ Abunə olun