O‘zbekiston, Qozog‘iston va Rossiya hamkorligi: xalqaro narkosavdo guruhi fosh etildi

Qozog‘iston, O‘zbekiston va Rossiya maxsus xizmatlari hamkorligida Afg‘onistondan giyohvand moddalar kontrabandasini amalga oshirgan xalqaro guruh fosh etildi.

Ma’lum qilinishicha, giyohvand moddalar Afg‘onistondan “Shimoliy yo‘nalish” deb ataluvchi kanal orqali olib o‘tilgan.

Rossiyaning Tyumen shahrida o‘tkazilgan tezkor tadbir davomida xalqaro giyohvand moddalar savdosi bilan shug‘ullangan guruhning ikki a’zosi qo‘lga olingan. Tintuv paytida ulardan 30 kilogramm afg‘on gashishi musodara qilingan.

Qozog‘iston Milliy xavfsizlik qo‘mitasi ma’lumotiga ko‘ra, musodara qilingan moddaning qora bozordagi qiymati taxminan 300 ming dollarga baholanmoqda.

Telegram | Live | Youtube | Instagram