Yoshlar Parlamenti (Oliy Majlis Senati)

✅ Yoshlar parlamenti a’zolari Germaniyadagi vatandosh yoshlar bilan ochiq muloqot o‘tkazdi

🟦 Oliy Majlis Senati huzuridagi Yoshlar parlamenti a’zolarining Germaniyaga hamkorlik tashrifi doirasida O‘zbekiston Respublikasining Germaniyadagi elchixonasida vatandosh yoshlar bilan ochiq muloqot tashkil etildi.

🇺🇿 Tadbir avvalida O‘zbekistonning Germaniyadagi Favqulodda va muxtor elchisi Dilshod Ahatov so‘zga chiqib, mamlakatlar o‘rtasidagi hamkorlikni rivojlantirishda yoshlarning o‘rni, xorijda tahsil olayotgan o‘zbekistonlik yoshlar bilan aloqalarni mustahkamlash hamda ularning salohiyatidan samarali foydalanish muhimligini ta’kidladi.

➡️ Muloqot davomida Yoshlar parlamenti raisi Laylo Aslonova yoshlarga oid davlat siyosatining ustuvor yo‘nalishlari, Yoshlar parlamentining faoliyati va yoshlarning qonun ijodkorligi hamda parlament nazoratidagi ishtiroki haqida ma’lumot berdi.

⚫️ Ochiq muloqotda Germaniyada tahsil olayotgan vatandosh yoshlar tomonidan innovatsiyalar, STEM yo‘nalishlarini rivojlantirish, startaplarni qo‘llab-quvvatlash, sog‘liqni saqlash va IT texnologiyalari bo‘yicha taklif hamda tashabbuslar ilgari surildi. Ushbu yo‘nalishlarda xalqaro tajribani o‘rganish va O‘zbekistonda qo‘llash imkoniyatlari yuzasidan fikr almashildi.

➡️ Tadbir yakunida vatandosh yoshlar bilan aloqalarni yanada mustahkamlash, ularning taklif va tashabbuslarini qo‘llab-quvvatlash hamda hamkorlikni izchil davom ettirish bo‘yicha kelishib olindi.

#Senat #yoshlar #parlament #siyosat

🕊Telegram 📱Instagram 📱Facebook 📺YouTube

✅ Yoshlar parlamenti a’zolari Germaniya Bundestagi faoliyati bilan tanishdilar

🟦 Oliy Majlis Senati huzuridagi Yoshlar parlamenti a’zolari Germaniyaga hamkorlik tashrifi doirasida Bundestag faoliyati bilan tanishdilar.

➡️ Tashrif davomida Germaniya parlamentining faoliyati, Reyxstag binosining tarixiy ahamiyati hamda parlament ishini jamoatchilikka ochiq namoyish etish tajribasi bilan tanishdilar.

✔️ Ayniqsa, parlament binosining fuqarolar uchun ochiqligi, tashrif buyuruvchilarga parlament faoliyati va uning tarixini o‘rganish imkoniyati yaratilgani Yoshlar parlamenti a’zolarida katta qiziqish uyg‘otdi.

🇩🇪 Bundestag vakillari bilan muloqotda Yoshlar parlamenti faoliyatini rivojlantirish, yoshlarning parlament jarayonlaridagi ishtirokini kengaytirish hamda ikki tomonlama tajriba almashinuvini yo‘lga qo‘yish bo‘yicha hamkorlik qilishga kelishib oldilar.

#Senat #yoshlar #parlament #siyosat

🕊Telegram 📱Instagram 📱Facebook 📺YouTube

✅ Yoshlar parlamenti a’zolari Germaniya tashqi siyosati va Markaziy Osiyo bo‘yicha ochiq muloqot o‘tkazdilar

🟦 Yoshlar parlamenti a’zolari Berlin shahridagi Germaniya Federal Tashqi ishlar vazirligida Germaniya tashqi siyosati va Markaziy Osiyo mavzusida ochiq muloqot o‘tkazdilar. Unda vazirlikning Pokiston, Yaqin Sharq va Markaziy Osiyo yo‘nalishlari bo‘yicha departamenti vakillari janob Strittmatter va janob Mannweiler ishtirok etdi.

📝 Muloqot davomida Germaniyaning tashqi siyosati, Markaziy Osiyo mamlakatlari bilan hamkorlik, yoshlar siyosati hamda yoshlar parlamentlari o‘rtasidagi aloqalarni rivojlantirish masalalari yuzasidan fikr almashildi.

➡️ Tomonlar yoshlarning jamiyat va davlat boshqaruvidagi faolligini oshirish, ularning tashabbuslarini qo‘llab-quvvatlash borasidagi tajribalar bilan o‘rtoqlashdilar.

🇩🇪 Germaniya vakillari Yoshlar parlamentining faoliyati hamda qonunchilik jarayonida yoshlar ishtiroki borasidagi tajribasiga katta qiziqish bildirdilar.

#Senat #yoshlar #parlament #siyosat

🕊Telegram 📱Instagram 📱Facebook 📺YouTube