Wally AI

Wallyda kutilayotgan katta o'zgarishlar

- Yangi Dark Modedagi UI dizayni
- Monitoring uchun kartalar qo'shish
- Sizni yanayam yaxshiroq va aniqroq tushuna oladigan agentlar

Kartadagi P2Pni (kartadan kartaga o'tkazmalarni) kategoriylash juda muammo. Bizda magazinchilaram kartaga o'tkazib bering deb so'raydi, qaysidir onlayn magazindan narsa osagam kartadan o'tkazib beraqoling deyishadi. Shu muammoni hal qilish uchun yaxshi bir yechim kerak.

Kartangizdagi avto xarajatlar ulanganida p2p transferlar bo'lganida ularni chatda oson kategoriyalab olish uchun qanaqa logika qo'shib ketganimiz ma'qul, fikrlar bormi shu borada?

Eng ko'p so'ralgan funksiya:

Botdagi harajatlarni hammasini o'chirib, qaytadan boshlash imkoniyati.

Shunchaki Wallyga shu paytgacha bo'lgan harajatlarimi o'chirib yubormoqchiman, qaytadan boshlaymiz deb ayting yoki shunga o'xshash nimadir deying, u sizdan akkauntingizni tozalashga ruxsat so'raydi.

Keyingi kutilayotgan katta yangilanishlar:

- Yopiq guruhdan toplangan buglarni to'g'rilash
- Karta qo'shish va ulardagi harajatlarni AI bilan avtomatik analiz qilish funksiyalari
- Oylik yoki yillik obunalarni Wally bilan savdolashish va narxni tushirish
- Payme integratsiyasi

Qisqa vaqt ichida siz bilan birga shuncha o'zgarishlar va natija qilib tashladik, kuzatishda va feedbacklar berishda davom eting🔥

Wally AI'da KATTA YANGILANISH!

Biz shunchaki xarajatlarni yozib borish — bu kechagi kun ekanligini tushundik. Sizga "qancha sarfladim?" degan savolga javobdan ko'ra ko'prog'i kerak.

Endi Wally AI shunchaki eslatib turuvchi bot emas. U haqiqiy shaxsiy moliyaviy maslahatchiga aylandi! 🤖

Tasavvur qiling, endi siz Wally bilan shunchaki suhbatlashib, moliyaviy savollaringizga professional javoblar olishingiz mumkin.

Masalan, endi nima qila olasiz?

🔹 Byudjet va Tahlil:
"Men oilaliman, ikki farzandim bor. Oylik $1,000 daromad bilan qanday qilib to'g'ri oylik byudjet tuzsam bo'ladi?"
yoki
"Oxirgi 1 oylik xarajatlarimni tahlil qilib, pulim eng ko'p qayerga ketayotganini ko'rsat."

🔹 Maqsadlar va Jamg'arma:
"3 yil ichida $25,000 zaxira fondi (emergency fund) yaratmoqchiman. Buning uchun har oy qanchadan yig'ishim kerak va qanday maslahatlar berasan?"
yoki
"Italiyaga sayohat uchun $5,000 yig'ish rejasini tuzib ber."

🔹Qarzdorlik va Kreditlar:
"Kreditimni tezroq yopish uchun qaysi usul yaxshiroq: 'debt snowball' (qor to'pi) yoki 'debt avalanche' (ko'chki)? Farqini tushuntir."

🔹 Investitsiya Asoslari:
"Investitsiyaga umuman yangiman. Menga 'indeks fondlari' nimaligini xuddi yosh bolaga tushuntirgandek tushuntirib ber."
yoki
"Yillik daromadim $15,000. Menga Roth IRA va Traditional IRA'ning farqini aytib ber."

Siz shunchaki o'z vaziyatingizni ayting va savol bering. Wally AI endi sizni tushunadi va sizga moslashtirilgan moliyaviy rejalarni tuzib beradi.

Bu sizning moliyaviy kelajagingiz uchun yangi bosqich!

👇 Hoziroq yangi imkoniyatlarni sinab ko'ring!
@wally_ai_bot

Topinglarchi Wallyga nima qo'shyabman 🌚

https://t.me/wally_app

Moliyaviy yordamchingiz Wallyda ajoyib yangilanishlar 🥳

Ko'pchilik kutgan yangilik: endi u sizni har doim tanqid qilmaydi, faqat pulni samarali boshqarishga yordam beradi va keraksiz harajatlar qilsangiz tanqid qiladi. Kerakli paytlar esa qo'llab-quvvatlaydi.

✨ Yana nimalar yangilandi?
Avtomatlashtirish: Endi har oylik maosh, Netflix/Yandex obunalari yoki haftalik xarajatlarni kiritib avtomatlashtirib olsangiz bo'ladi. Wally ularni o'zi hisoblab boradi. 🔄

Aqlli eslatmalar: Qarzlaringiz yaqinlashgani sari Wally sizni ogohlantiradi. 🔔

Yanada oson: Xarajat, tushum va qarzlarni qo'shish soddalashdi va xatoliklar tuzatildi, ovozli xabar kiritish yanayam aniqlashdi. Istagan kategoriyangiz bo'yicha oylik limitlar qo'shish osonlashdi ✅

🤖 Wally bilan shunchaki suhbatlashing!
Endi Wally sizning shaxsiy tahlilchingiz. Undan bemalol so'rang:
"O'tgan hafta taksiga qancha ishlatdim?"
"Oziq-ovqatga limitim qancha edi?"
"O'tgan oyga nisbatan xarajatlarim qanday o'zgardi?"
Wally barchasini tahlil qilib, sodda javob beradi.

🔮 Rejadagilar (Tez kunda)

Karta integratsiyasi: Kartalaringizni qo'shasiz va AI harajatlaringizdan kelib chiqib sizga haftalik/oylik tahlil qilib beradi. 💳

Kuchliroq tahlil: Yanada aqlli AI savollaringizga chuqurroq javob beradi.

Rejali to'lovlar: Wally to'lov kuni sizdan "To'lov qildingizmi?" deb so'raydi va "ha" desangiz, balansdan yechadi.

Yaqinda chiqadigan yangilanishda yana bir ajoyib funksiya va qulaylik

Wallyda texnik sabablar tufayli bugun uzilish bo'ldi, hozir bot tog'irlandi va ishlayapti.

Hali ham tanqid qilishi ketmagan, lekin hafta boshiga katta yangiliklar chiqarishni reja qilganman. Oz qoldi. Wallyni kodida va o'zini tutishida katta o'zgarishlar qilingan.

Oxirgi o'tkazgan so'rovnomamdagi har bir feedbackni hisobga olishga va shunga qarab to'g'irlab chiqishga harakat qildim.

Yangi update chiqishi bilan hammani tekin limitlarini oshirib beraman. Kutayotganingiz uchun rahmat.

Kutganmidilar?🤩

Wally endi faqat tanqid qiladigan emas, balki kayfiyatingizga qarab qo'llab-quvvatlaydigan. Yomon odatlaringizni aytadigan. Oy yoki hafta davomida juda ko'p keraksiz shoppinglar qilib yuborsangiz tanqid qiladigan. Hazillashishni yoqtiradigan, ammo kerakli payt jiddiy ham bo'la oladigan do'stingiz.

Tez orada yanayam aqlliroq, yanayam yaxshiroq xotirali, yanayam aniqroq Wallyni kutib oling🥳

Ishoning, bu o'zgarishlar aniq kutishga arziydi

Bugun o'tkazgan kichik so'rovnomamiz natijalari bilan bo'lishmoqchiman.

Natijalar kutganimdek chiqdi: ko'pchilikka Wally'ning juda ko'p tanqid qilishi yoqmayapti. 😬

Rostini aytsam, buni o'zim ham sezgandim va allaqachon bu muammo ustida ishlashni boshlaganman.

Botni siz uchun yanada yaxshiroq qilish uchun oldimizda 2 ta asosiy maqsad turibdi:

1. "Aqlli" va o'rinli tanqid.
AI endi shunchaki "qimmatga olibsiz" demaydi, balki vaziyatni tahlil qilib, haqiqiy do'stdek maslahat beradi.

Masalan, siz 200 mingga Yandex'dan ovqat buyurtma qildingiz. AI sizga shunday deydi: "Bro, bu hafta allaqachon 5-dostavkangiz, jami 1 mlndan oshib ketdi. Bu ketishda oyni oxirida qotgan non yeymiz-ov 😕"

Yoki 300 mingga futbolka sotib oldingiz:
"Bu futbolkani qanoti bormikan? Yoki tilladan tikilganmi? 🤔 Juda qimmatga olibsiz-ku."

2. Kayfiyatingizni hisobga olish.
Ba'zida bizga tanqid emas, shunchaki qo'llab-quvvatlash kerak bo'ladi. Endi siz botga kayfiyatingizni aytishingiz mumkin:

"Bugun kayfiyatim sal yomonroq, ortiqcha tanqid qabul qilmayman."

Va bot buni tushunadi. U tanqidlarni o'chirib, faqat muhim eslatmalar bilan sizga yordam berishda davom etadi.

Yana bir yangilik.
Tez orada kartangizni ilovaga qo'shish imkoniyatini qo'shmoqchiman. Shunda AI har haftalik yoki kunlik xarajatlaringizni avtomatik tahlil qilib, sizga to'liq hisobot berib boradi.

Fikr-mulohazalar bo'lsa eshitishga tayyormiz. Aynan sizning yordamingiz bilan biz Wally'ni eng zo'r moliyaviy yordamchiga aylantiramiz 🔥

Do'stlar, balki ko'pchilik bilar, bilmaganlar uchun foydali lifehack.

Wallyga qaysidir valyutada qilgan harajat yoki tushumingizni aytsangiz, o'zi avtomatik tarzda shu valyutada hisob ochadi.

Umumiy pullar va boshqa valyutalar bo'yicha hisobni asosiy sahifadan tanlab alohida ko'rib turishingiz ham mumkin.

Wallyni shu yerda sinab ko'rishingiz mumkin - @wally_ai_bot

Bot hozircha Stagingda, tez orada to'liq ishlatishga tayyor bo'ladi🔥