У памежных з Украінай раёнах Бранскай вобласці Расіі да 9 кастрычніка ўвялі дыстанцыйнае навучанне для навучэнцаў шасці раёнаў і горада Навазыбкава.

​Мінаблыга афіцыйна не называе прычыны абмежаванняў, аднак яны, імаверна, звязаныя з частымі ўкраінскімі атакамі ў памежжы.

​Трывожная абстаноўка захоўваецца і на трасе А-240, якая злучае Гомель з Бранскам, дзе перад гэтым перакрывалі рух. ​Сёння ў першай палове дня быў часова закрыты для праезду ключавы ўчастак дарогі паміж Навазыбкавам і Клінцамі.

​Тым часам украінскія маніторынгавыя каналы апублікавалі відэа з шасцю пашкоджанымі і згарэлымі аўто ў Бранскім памежжы. ​Сярод знішчанага транспарту зафіксаваны як цывільныя машыны мясцовага рэгіёна, так і ваенныя пікапы з турэлямі.