Uzpharmservice

🚀 ISO 13485:2016 — xalqaro sifat standartlariga biz bilan erishing!

Pharm Service davlat muassasasi tibbiy jihozlar ishlab chiqaruvchi korxonalarda ISO 13485:2016 xalqaro standartini joriy etish bo‘yicha professional konsalting xizmatlarini yo‘lga qo‘ydi.

🌍 ISO 13485 — bu shunchaki standart emas, balki mahsulot xavfsizligini ta’minlash, xalqaro talablarga muvofiqlikni oshirish va yangi bozorlarga chiqish sari muhim qadamdir.
🎯 Korxonangizni xalqaro standartlar asosida rivojlantirishni bugundan boshlang!

📞 +998 (55) 902-33-33 (4)

Website | Telegram | Instagram | linkedin

💊 CaPhEx 2026 — farmatsevtika ishlab chiqarishi uchun yangi yechimlar!

🌍 Farmatsevtika sanoatidagi ilg‘or texnologiyalar, innovatsion uskunalar va xalqaro hamkorlik imkoniyatlari CaPhEx 2026 ko‘rgazmasida birlashadi!
🏭 Ko‘rgazma doirasida farmatsevtika injiniringi, toza xonalar (Cleanroom), ishlab chiqarish va qadoqlash uskunalari, sifat nazorati hamda ishlab chiqarish korxonalarini boshqarish (Plant Management) yo‘nalishlarida xalqaro mutaxassislar va yetakchi kompaniyalar bilan hamkorlik aloqalarini o‘rnatish imkoniyatlari yaratiladi.

📆 27–28-oktabr, 2026-yil
📍 Anhor Park, Toshkent
👉Hoziroq ro‘yxatdan o‘ting: CaPhEx 2026

Website | Telegram | Instagram | linkedin

🇺🇿🇮🇹 Pharm Service’ning CPHI Milan 2026 doirasidagi xalqaro hamkorlik faoliyati davom etmoqda!

🌍 Pharm Service davlat muassasasi vakillari Milanda bo‘lib o‘tayotgan nufuzli xalqaro farmatsevtika ko‘rgazmasi doirasida xorijiy kompaniyalar bilan samarali muzokaralar va B2B uchrashuvlarni davom ettirmoqda.

🤝Uchrashuvlarda xalqaro hamkorlikni kengaytirish, xorijiy ishlab chiqaruvchilarga O‘zbekiston farmatsevtika bozoriga kirish va dori vositalarini ro‘yxatdan o‘tkazish bo‘yicha maslahatlar berish, shuningdek, EU GMP, texnologiyalar transferi va investitsiyaviy hamkorlik masalalariga alohida e’tibor qaratilmoqda.

Website | Telegram | Instagram | linkedin

🔴 Қувончли лаҳзалар!

📌 Тиббиёт ва фармацевтика тармоғини ривожлантириш агентлигининг дори воситалари нархларини мақбуллаштириш, референт нархларни шакллантириш, нархлар мониторингини рақамлаштириш ва аҳолига очиқ ахборот тақдим этишга қаратилган «Making Medicines Affordable in Uzbekistan: Reference Pricing, Digital Monitoring and Public Access» лойиҳаси "CPHI Pharma Awards 2026" халқаро мукофотининг «Excellence With Purpose» номинациясида ғолиб деб топилди.

Website | Telegram | Instagram | Facebook | Youtube | linkedin

🔴 Ўзбекистоннинг дори нархларини мақбуллаштириш сиёсати халқаро мукофот билан эътироф этилди

📌 Ўзбекистонда аҳолининг сифатли, хавфсиз ва мақбул нархдаги дори воситалари билан таъминланиш имкониятларини кенгайтиришга қаратилган ислоҳотлар халқаро фармацевтика ҳамжамияти томонидан эътироф этилди.

✅ Тиббиёт ва фармацевтика тармоғини ривожлантириш агентлигининг дори воситалари нархларини мақбуллаштириш, референт нархларни шакллантириш, нархлар мониторингини рақамлаштириш ва аҳолига очиқ ахборот тақдим этишга қаратилган «Making Medicines Affordable in Uzbekistan: Reference Pricing, Digital Monitoring and Public Access» лойиҳаси "CPHI Pharma Awards 2026" халқаро мукофотининг «Excellence With Purpose» номинациясида ғолиб деб топилди.

✅ Жорий йилнинг 6 октябрь куни Милан шаҳрида эълон қилинган мазкур натижа Ўзбекистонда аҳоли манфаатларини кўзлаб амалга оширилаётган тизимли ислоҳотларнинг халқаро миқёсдаги эътирофидир.

✅ Лойиҳа доирасида дори воситалари учун референт нархларни белгилаш, нархларни мунтазам таҳлил қилиш ва мониторингини рақамлаштириш, шунингдек, аҳолига дори воситалари нархлари ҳақида очиқ ва қулай ахборот тақдим этиш механизмлари такомиллаштирилмоқда.

✅ Референт нарх тизимининг асосий мақсади — дори воситалари нархининг асоссиз оширилишининг олдини олиш, бозорда адолатли нарх шаклланишини таъминлаш ва аҳоли учун дори воситаларини янада мақбул нархларда харид қилиш имкониятини яратишдан иборат.

✅ "CPHI Pharma Awards" фармацевтика соҳасида инновация, самарадорлик, ҳамкорлик ва ижтимоий аҳамиятга эга ташаббусларни эътироф этади. «Excellence With Purpose» номинацияси эса беморлар ва жамият манфаатларига қаратилган, ижобий ижтимоий таъсирга эга лойиҳаларни баҳолайди.

✅ Ўзбекистон лойиҳасининг мазкур номинацияда ғолиб деб топилиши мамлакатда дори воситалари нархларини мақбуллаштириш, шаффофликни таъминлаш ва рақамли назорат механизмларини жорий этиш бўйича амалга оширилаётган ишлар халқаро профессионал ҳамжамият эътиборига тушганини кўрсатади.

✅ Бу - Ўзбекистон фармацевтика тизими учун муҳим халқаро эътироф бўлиб, аҳоли манфаатларига йўналтирилган ислоҳотларни изчил давом эттиришга яна бир туртки бўлиб хизмат қилади.
На русском | In English

Website | Telegram | Instagram | Facebook | Youtube | linkedin

🔴 Ўзбекистон - CPHI Milan 2026 кўргазмасида

📌 Тиббиёт ва фармацевтика тармоғини ривожлантириш агентлиги директори Абдулла Азизов бошчилигидаги Ўзбекистон делегацияси фармацевтика соҳасидаги энг йирик халқаро кўргазмалардан бири - "CPHI Milan 2026" да иштирок этмоқда.

✅ Кўргазманинг биринчи куни Агентлик директори "Merck", "Lupin Healthcare", "Syngene" каби йирик халқаро компаниялар ҳамда кўплаб соҳа вакиллари билан қатор учрашув ва музокаралар ўтказди.

✅ Мулоқотларда инвестиция, ишлаб чиқаришни маҳаллийлаштириш, технологиялар трансфери ва халқаро ҳамкорликни кенгайтириш масалалари муҳокама қилинди. Шунингдек, Ўзбекистон фармацевтика саноатининг салоҳияти ва янги ҳамкорлик имкониятлари тақдим этилди.

✅ Италиянинг Милан шаҳрида ўтказилаётган "CPHI Milan 2026" доирасидаги учрашувлар Ўзбекистон фармацевтика саноатининг халқаро алоқаларини кенгайтириш, янги инвестициявий лойиҳаларни шакллантириш ва жаҳон бозоридаги иштирокини кучайтириш учун муҳим мулоқот майдони бўлмоқда.

❗️ Эслатиб ўтамиз, Тиббиёт ва фармацевтика тармоғини ривожлантириш агентлиги ташаббуси билан ташкил этилган “Made in Uzbekistan” миллий стендида 15 га яқин маҳаллий фармацевтика компанияси ўз маҳсулот ва имкониятларини намойиш этмоқда.
На русском | In English

Website | Telegram | Instagram | Facebook | Youtube | linkedin