Uzpharmagency

🔴 Италиянинг Tecniplast компанияси билан ҳамкорлик истиқболлари муҳокама қилинди

📌 Тиббиёт ва фармацевтика тармоғини ривожлантириш агентлиги директори Абдулла Азизов Италиянинг "Tecniplast" компанияси вакили Эдоардо Бернардини билан учрашди.

✅ "Tecniplast" виварийлар учун ускуналар ва лаборатория ҳайвонларини сақлашга мўлжалланган замонавий тизимларни ишлаб чиқаришга ихтисослашган халқаро компания ҳисобланади.

✅ Учрашувда компаниянинг халқаро тажрибасини "BioPharma City" фармацевтика кластери ҳудудидаги виварийни ривожлантиришда қўллаш, уни замонавий технологиялар асосида жиҳозлаш ва инфратузилмасини такомиллаштириш имкониятлари муҳокама қилинди.

✅ Шунингдек, илмий-тадқиқот ишлари ва клиниккача бўлган синовларни халқаро талаблар асосида ўтказиш учун зарур шароитларни яратиш, замонавий ускуналар ва технологик ечимларни жорий этиш масалаларига алоҳида эътибор қаратилди.

✅ "Tecniplast" каби ихтисослашган халқаро компаниялар билан ҳамкорлик "BioPharma City" фармацевтика кластери илмий-тадқиқот инфратузилмасини ривожлантириш, фармацевтика соҳасининг илмий ва технологик салоҳиятини мустаҳкамлашга хизмат қилади.
На русском | In English

Website | Telegram | Instagram | Facebook | Youtube | linkedin

🔴 Дори воситалари ишлаб чиқарувчилари ва импорт қилувчилар диққатига

📌 2027 йил 1 январдан бошлаб дори воситаларига мувофиқлик сертификатини расмийлаштиришда ишлаб чиқарувчидан тегишли дори воситалари тури бўйича «Зарур ишлаб чиқариш амалиёти — GMP» миллий сертификати талаб этилади.

❗️ Асос: Ўзбекистон Республикаси Президентининг 2025 йил 19 августдаги ПФ-137-сон Фармони, 5-банд «а» кичик банди.

✅ Эслатиб ўтамиз, 2026 йил 1 январдан бошлаб дори воситаларини давлат рўйхатидан ўтказиш ва рўйхатдан ўтказилганлик гувоҳномасининг амал қилиш муддатини узайтириш учун ҳам GMP сертификати талаб этилмоқда.

❗️ Асос: ПФ-137-сон Фармоннинг 4-банд «а» кичик банди ҳамда Вазирлар Маҳкамасининг 2025 йил 24 ноябрдаги 738-сон қарори билан тасдиқланган Низомнинг 11-банди.

❗️ Мазкур талаб қуйидаги дори воситаларига нисбатан татбиқ этилмайди:
➡️ Соғлиқни сақлаш вазирлиги буюртмаси бўйича давлат рўйхатидан ўтказилмасдан импорт қилинадиган орфан дори воситалари;
➡️ тан олиш тартибида давлат рўйхатидан ўтказиладиган дори воситалари;
➡️ Жаҳон соғлиқни сақлаш ташкилоти томонидан қайта малакалашдан ўтган дори воситалари.

✅ «Зарур амалиётлар маркази» ДМ ишлаб чиқарувчилар ва импорт қилувчиларга GMP инспекциясини ўтказиш учун аризаларни олдиндан топширишни тавсия этади.

❗️ Мурожаат учун:
Веб-сайт: pharm.gov.uz/ru/gxp
Телефон: +998 (55) 902-55-55 / 335
Электрон почта: gxp.duk@uzpharmagency.uz

Website | Telegram | Instagram | Facebook | Youtube | linkedin

🔴 Талабалар фармацевтика соҳасидаги касбий имкониятлар билан танишди

📌 Тиббиёт ва фармацевтика тармоғини ривожлантириш агентлиги ҳузуридаги «Зарур амалиётлар маркази» ДМ директори иштирокида «Янги Ўзбекистон» университети Кимё ва кимё муҳандислиги факультети талабалари билан «Карьера куни» доирасида учрашув бўлиб ўтди.

✅ Учрашув давомида талабаларга GMP инспекциялари ва бошқа GxP йўналишлари, фармацевтика корхоналарини баҳолаш, дори воситалари сифати ва хавфсизлигини таъминлаш, шунингдек, халқаро ҳамкорлик бўйича маълумот берилди.

✅ Мулоқотда замонавий инспекция тизимини ривожлантириш учун малакали ва билимли мутахассисларга эҳтиёж юқори экани таъкидланди. Шу нуқтаи назардан, ёшларни мазкур йўналишларга жалб этиш, уларнинг касбий билим ва кўникмаларини ривожлантириш келажакда соҳа учун салоҳиятли кадрлар тайёрлашда муҳим аҳамият касб этади.

✅ Учрашув талабаларга фармацевтика соҳасидаги касбий йўналишлар ва иш имкониятлари билан яқиндан танишиш, келгуси фаолияти учун зарур кўникмаларни аниқлаш ҳамда мутахассислар билан фикр алмашиш имконини берди.
На русском | In English

Website | Telegram | Instagram | Facebook | Youtube | linkedin

🔴 Халқаро фармацевтика компаниялари билан музокаралар давом этмоқда

📌 Италиянинг Милан шаҳрида бўлиб ўтаётган "CPHI Milan 2026" халқаро фармацевтика кўргазмаси доирасида Тиббиёт ва фармацевтика тармоғини ривожлантириш агентлиги директори Абдулла Азизов қатор халқаро фармацевтика компаниялари вакиллари билан учрашувлар ўтказди.

✅ Жумладан, Ҳиндистоннинг "MSN Laboratories Private Limited" ва "Kopran Limited", шунингдек, Польша фармацевтика саноатининг йирик вакилларидан бири - "Polpharma Group" компаниялари вакиллари билан мулоқотлар ташкил этилди.

✅ Учрашувларда Ўзбекистон фармацевтика саноатига инвестиция жалб қилиш, маҳаллий ишлаб чиқариш қувватларини кенгайтириш, дори воситалари ва фармацевтик субстанциялар ишлаб чиқаришни маҳаллийлаштириш, замонавий технологияларни жорий этиш ҳамда технологиялар трансфери имкониятлари муҳокама қилинди.

✅ Шунингдек, маҳаллий корхоналар билан ҳамкорлик алоқаларини йўлга қўйиш, қўшма лойиҳаларни амалга ошириш ва Ўзбекистонда ишлаб чиқарилган фармацевтика маҳсулотларининг ташқи бозорларга чиқиш имкониятларини кенгайтириш масалалари юзасидан фикр алмашилди.

✅ Хорижий компаниялар вакилларига мамлакатимизда фармацевтика тармоғини ривожлантириш бўйича амалга оширилаётган ислоҳотлар, инвесторлар учун яратилган шарт-шароитлар ва "BioPharma City" инновацион фармацевтика кластери имкониятлари ҳақида маълумот берилди.
На русском | In English

Website | Telegram | Instagram | Facebook | Youtube | linkedin

💊 CaPhEx 2026 — farmatsevtika ishlab chiqarishi uchun yangi yechimlar!

🌍 Farmatsevtika sanoatidagi ilg‘or texnologiyalar, innovatsion uskunalar va xalqaro hamkorlik imkoniyatlari CaPhEx 2026 ko‘rgazmasida birlashadi!
🏭 Ko‘rgazma doirasida farmatsevtika injiniringi, toza xonalar (Cleanroom), ishlab chiqarish va qadoqlash uskunalari, sifat nazorati hamda ishlab chiqarish korxonalarini boshqarish (Plant Management) yo‘nalishlarida xalqaro mutaxassislar va yetakchi kompaniyalar bilan hamkorlik aloqalarini o‘rnatish imkoniyatlari yaratiladi.

📆 27–28-oktabr, 2026-yil
📍 Anhor Park, Toshkent
👉Hoziroq ro‘yxatdan o‘ting: CaPhEx 2026

Website | Telegram | Instagram | linkedin

💊 Dori vositalari narxlarini tartibga solish va aholini dori vositalari bilan barqaror ta’minlash bo‘yicha amalga oshirilayotgan ishlar

Kontent markazida Tibbiyot va farmasevtika tarmog‘ini rivojlantirish agentligi axborot xizmati rahbari Anvarxon Akabirov ishtirokida o‘tkazilgan brifingda mavzu yuzasidan ma’lumot berildi:

💵 “2026-yil boshidan hozirga qadar qariyb 6 500 turdagi dori vositasining narxlari qayta ko‘rib chiqildi. Mazkur dori vositalarining qariyb 1 500 turi mahalliy farmatsevtika korxonalari tomonidan ishlab chiqariladigan dori vositalariga to‘g‘ri keladi.

Bu ishlar natijasida dori vositalari narxlarini bozor va referent mamlakatlardagi ko‘rsatkichlardan kelib chiqib qayta baholash, aholiga yanada maqbul narxlarda dori vositalarini xarid qilish imkoniyatini kengaytirish hamda narxlarni tartibga solish mexanizmlarini takomillashtirishga erishilmoqda”.

🧾 “Fuqarolardan dori vositasini xarid qilish vaqtida fiskal chekni olish va saqlab qo‘yish, shuningdek, dori vositasining amaldagi chegaraviy narxini PharmUz mobil ilovasi orqali tekshirish so‘raladi.

Agar dori vositasi belgilangan chegaraviy chakana narxdan yuqori narxda realizatsiya qilinganligi aniqlansa, fuqaro xaridni tasdiqlovchi fiskal chek asosida yoki PharmUz mobil ilovasi orqali vakolatli davlat organlariga murojaat qilishi mumkin”.

🔎 “Tibbiyot va farmatsevtika tarmog‘ini rivojlantirish agentligi tomonidan dori vositalarining respublika bozorida mavjudligi doimiy monitoring qilib borilmoqda”.

⏯️ Batafsil
〰️〰️〰️〰️

https://t.me/Rasmiy_axborot_official