🇺🇿🇬🇪 21-25 февраль кунлари Ўзбекистон Савдо-саноат палатаси раиси ўринбосари Дилшод Расулов ишчи ташриф билан Грузияда бўлиб турибди.
Ташрифнинг илк кунида Грузия Савдо-саноат палатаси президенти Георгий Пертая билан учрашув ўтказилиб, унда икки давлат ўртасидаги савдо-иқтисодий ва инвестициявий ҳамкорликни ривожлантириш масалалари муҳокама қилинди.
Томонлар Ўзбекистон ва Грузия ўртасидаги ўзаро товар айирбошлаш ҳажмини ошириш, тадбиркорлик субъектлари ўртасида яқин ҳамкорлик ўрнатиш ва қўшма лойиҳаларни амалга ошириш масалаларига алоҳида эътибор қаратди.
👍 Музокаралар натижасида қуйидаги чора-тадбирлар белгилаб олинди:
👍Май ойида Грузия Савдо-саноат палатаси раҳбарлигида Грузия ишбилармон доиралари делегациясининг Ўзбекистонга ташрифини ташкил этиш;
👍Июнь ойида Ўзбекистон тадбиркорларининг Грузияга ташрифини ташкил этиш ва “Made in Georgia” ҳамда “Made in Uzbekistan” кўргазмаларини ўтказиш;
👍Тбилиси ва Батумида Ўзбекистон савдо уйларини очиш;
👍 Грузия компанияларининг тўқимачилик, қурилиш материаллари, чарм-пойабзал саноати, фармацевтика каби тармоқларда Ўзбекистон ишбилармонлари ва уюшмалари билан учрашувларини ташкил этиш.
Ушбу келишувлар Ўзбекистон ва Грузия ўртасидаги савдо-иқтисодий ҳамкорликни янги босқичга олиб чиқишга хизмат қилади.
🕊Telegram 📱Instagram 📱Facebook 📺 Youtube