⚽️🇺🇿Superliga: 🟢"Neftchi" derbida g'alaba qozondi, yana ikki o'yin durang bilan yakunlandi

Futbol bo‘yicha O‘zbekiston Superligasining 24-turidan o‘rin olgan uchta uchrashuv yakunlandi. Kun bahslarida "Neftchi" muhim g‘alabani qo‘lga kiritgan bo‘lsa, qolgan ikki o‘yinda durang qayd etildi.

"Neftchi" irodali g‘alabaga erishdi

Farg‘onaning "Neftchi" klubi safarda "Qo‘qon-1912"ni 4:2 hisobida mag‘lub etdi. Uchrashuvda Zoran Marushich dubl qayd etdi, Nurmuhammad Abdug‘aniyev va Koffi Kouao ham gol urdi.

61-daqiqada Abdug‘aniyev qizil kartochka olib, maydonni tark etganiga qaramay, mehmonlar ustunlikni saqlab qolishdi va hisobni yanada yiriklashtirishdi.

Qolgan bahslarda durang

"Surxon" va "Xorazm" o‘rtasidagi uchrashuvda hisob ochilmadi — 0:0.

"Bunyodkor" Jizzaxda minimal mezbon sifatida "So‘g‘diyona" bilan 1:1 hisobida durang o‘ynadi. Mehmonlardan Samandar Mavlonqulov hisobni ochgan bo‘lsa, 85-daqiqada Matiya Krivokapich muvozanatni tikladi.

Turnir jadvalidagi vaziyat

Ushbu g‘alabadan so‘ng "Neftchi" 24 ta o‘yinda 55 ochko jamg‘arib, peshqadamlikni mustahkamladi.

23 ta uchrashuvda 52 ochko to‘plagan "Paxtakor" ikkinchi, 45 ochkoga ega "Navbahor" esa uchinchi o‘rinda bormoqda.

Shu tariqa, chempionlik uchun kurashda "Neftchi" eng yaqin ta’qibchisi "Paxtakor"dan uch ochkoga oldinda. Biroq toshkentliklar bir o‘yin kam o‘tkazgan.

🏦O‘zbek va jahon sportiga oid eng so‘nggi yangiliklar: @Uzasport