🇺🇿 LEGIONERLARIMIZ: BUGUN G‘ANIYEV VA ALIQULOV JAMOALARI MAYDONGA TUSHADI

⚽️ Bugun, 16-oktabr kuni Birlashgan Arab Amirliklari va Turkiya chempionatlarida navbatdagi tur uchrashuvlari bo‘lib o‘tadi. O‘zbekistonlik futbolchilar Azizjon G‘aniyev va Husniddin Aliqulov to‘p suradigan klublar ham o‘z bahslarini o‘tkazadi.

🇦🇪 BAA PRO LIGASI | 6-TUR

⚔️ Baniyas — Al-Vasl
⏰ 20:45 | Toshkent vaqti

O‘zbekiston milliy terma jamoasi yarim himoyachisi Azizjon G‘aniyev faoliyat olib borayotgan «Baniyas» o‘z maydonida «Al-Vasl»ni qabul qiladi.

Joriy yilning sentabr oyida «Al-Bataeh»dan «Baniyas» safiga kelib qo‘shilgan hamyurtimiz uchun ushbu bahs jamoasining navbatdagi muhim sinovlaridan biri bo‘ladi. Mezbonlar o‘z maydonidagi ustunlikdan foydalanib, turnir jadvalidagi holatini yaxshilashga intiladi.

🇹🇷 TURKIYA SUPERLIGASI | 8-TUR

⚔️ Chorum FK — Rizespor
⏰ 22:00 | Toshkent vaqti
🏟 Chorum shahar stadioni

O‘zbekiston milliy terma jamoasi himoyachisi Husniddin Aliqulov to‘p suradigan «Rizespor» safarda «Chorum FK»ga qarshi bahs olib boradi.

Mezbonlar yangi bosh murabbiy Burak Yilmaz qo‘l ostida dastlabki uchrashuvda «Gaziantep»ni mag‘lub etgan. Yetti turdan so‘ng 10 ochko jamg‘argan «Chorum FK» turnir jadvalida 8-o‘rinni egallab turibdi.

«Rizespor» esa safardagi ushbu uchrashuvda ijobiy natija qayd etib, turnir jadvalidagi mavqeini mustahkamlashni maqsad qilgan.

Afsuski, jamoa safidagi o‘zbekistonlik himoyachi Husniddin Aliqulov jarohati sabab mazkur uchrashuvni o‘tkazib yuborishi kutilmoqda. Uning safga qaytishi oktabr oyi oxirlariga mo‘ljallangan.

🏦O‘zbek va jahon sportiga oid eng so‘nggi yangiliklar: @Uzasport