🇪🇸 La Ligada 📹 VAR orqali eng ko‘p gollari bekor qilingan jamoalar ma’lum bo‘ldi

Ispaniya La Ligasida videoassistent hakam (VAR) tizimi joriy etilganidan buyon eng ko‘p gollari bekor qilingan klublar haqidagi statistik ma’lumotlar e’lon qilindi.

Manbaga ko‘ra, 2018–2026-yillar oralig‘ida VAR aralashuvi natijasida eng ko‘p goli bekor qilingan jamoa Madridning «Real» klubi hisoblanadi.

Mazkur davrda «qirollik klubi»ning 42 ta goli VAR tekshiruvidan so‘ng inobatga olinmagan.

Ikkinchi o‘rinda Madridning yana bir vakili — «Atletiko» joylashgan. Jamoaning 22 ta goli VAR qaroriga asosan bekor qilingan.

Kuchli uchlikni esa Kataloniyaning «Barselona» klubi yakunlagan. Ushbu jamoaning 19 ta goli videoassistent hakam aralashuvi natijasida hisobga olinmagan.

Shunday qilib, keltirilgan statistikaga ko‘ra, «Real Madrid»ning VAR orqali bekor qilingan gollari soni «Atletiko»nikidan 20 taga, «Barselona»nikidan esa 23 taga ko‘p.

Ma’lumot uchun, VAR tizimi Ispaniya La Ligasida 2018/2019-yilgi mavsumdan boshlab qo‘llanilmoqda.

🏦O‘zbek va jahon sportiga oid eng so‘nggi yangiliklar: @Uzasport