Umar shares

Tushuntirish

Tepadagi postdan maqsad shuki: hayotda har xil hodisalar bo‘ladi. Biz musulmon o'laroq hamma narsa O'zining ilmi va taqdiri bilan bo‘lishiga ishonamiz. Shu sabab 100% mustaqil “tasodif” degan narsa yo‘q.

Lekin bu degani — har bir uchragan voqeani “bu menga Allohdan maxsus belgi” deb talqin qilish kerak degani ham emas.

Ba’zi hodisalar bizga ishoradek tuyulishi mumkin, lekin ular, sayoz ma'noda aytsak "tasodif" xolos.
Shuning uchun har narsaga haddan tashqari ilohiy tus berib, qarorlarni faqat “belgi”larga bog‘lab qo‘yish to‘g‘ri emas.

Alloh bizga aqlni ham bekorga bermagan. Muhim qarorlarda inson aqlini ishlatishi, sabablarni ko‘rishi, maslahat qilishi, istixora qilishi va keyin tavakkal qilishi kerak.

Postning maqsadi shu edi: hayotdagi har bir hodisani “O'zidan belgi” deb qabul qilmaslik kerak. Ayni damda "belgilar"ga befarq bo'lmagan holda.

Bu ayniqsa juft tanlash, kasb tanlash, ish boshlash kabi katta qarorlarda seziladi. Masalan, kulguliroq qilib aytsak: “Oyposhshaga ham menga yoqadigan ovqatlar yoqar ekan, balki bu belgidir”, deb xulosa qilib yuborish xato albatta. Shu kabi boshqa qarorlarda ham sayoz tasodiflarga berilib qaror qilmaslik kerak.

Bunday qarorlar faqatgina belgi bilan emas, balki dalil, aql, maslahat, istixora va tavakkal bilan qilinadi. Belgilar esa insonning o'zi va Allohga oid siri. Uni tushunish darajasiga yetish uchun esa yaxshigina ilm kerak.

#fikr

@umar_shares

Har narsani "Yaratgandan belgi" — deb, yopishib olmaslik kerak. Hayotda "tasodif"lar ham bo'lib turadi.

#fikr

@umar_shares

Bugun Toshkent aylandik.

Tirbandlik kam. Mashinalar kam...

Agar o'zimni viloyatim Toshkentdek takliflar bera olganida, buyerni aniq bo'shatib ketardim. Afsuski muommo shu yerda. Odamlarimizni katta qismi buyerga jamlanishini sababi ham o'z viloyatida bunday sharoit va takliflar yo'qligida.

Umid qilamanki bu muommo sekin-astalik bilan o'z yechimini topadi.

"Yangi Toshkent"lar barcha viloyatda bo'lishini kutib qolaman.

#fikr

@umar_shares

Toshkentda hech kim yo’qku e 😅

Bayram muborak ☪️🙂

O'rganvoldilar a? 😄👆

Siz ham shunday irimlardan bilasizmi? Bir o'qib maza qilaylik, kommentga marhamat 🔽

Yaqinda bir taksist o'g'limizni hiqchoqi tutganiga davo sifatida bunday ma'noda maslahat berdi:

Kiyimingizda osilib turgan nimadir ipni peshonasiga (tuflab) yopishtirib qo'ying. Bittada qoladi. 😂

🙂

#joke

@umar_shares

Halol nasiyani maqsadi aslida nima edi-yu, bizda ba’zilar nimaga ishlatishyapti...

#fikr

@umar_shares

Odamlar ichida bo'rilar, ilonlar, arslonlar, cho'chqalar va boshqalar bor. Hayot davomida har xillaridan ko'rasiz ekan.

#fikr

@umar_shares

Kung fu panda'dagi mana shu joyi juda ajoyibda.
Qandaydir ma'no bordek tuyuladi shu nafas olishda 😄

https://youtu.be/g4_KGniYTSc?si=2REwtAqraEMqFo1z&t=177

Hozirgi paytda odamlarni eng ko'p nima charchatadi?

Fikrimcha ortiqcha o'ylash — overthinking.

— Qanday qilib bu vaziyatdan chiqaman?
— Nega unday bo'ldi?
— Falonchi nima deb o'ylaydi?
— O'xshamasachi?

Va hokazo.

Asosan o'ylashimiz kerak bo'lgan chegaradan o'tib ketamiz. Ortiqcha o'ylab yuboramiz, ortiqcha xavotirlanamiz, ortiqcha rejalar tuzamiz, ortiqcha gaplarni o'zimizga olamiz, siqilamiz...

Shularni hammasi shu paytgacha qancha ko'p energiyamizni olib qo'yganini o'ylasam, yana battar o'ylanib, siqilib qolaman 😂

Balki shu "overthinking" bizni hayotdan lazzatlanib, shukr qilib yashashga to'siq bo'layotgan sabablardan biridir? Nima deb o'ylaysizlar?

#fikr

@umar_shares

Keraksiz o'rinlarda ham haqligimizni isbotlash uchun nimalardan voz kechmaymiz-a...

"Haa, mayli" — deyishni halovatini tushunganimizda hayot boshqacharoq bo'larmidi, deb o'ylab qolaman ba'zan.

#fikr

@umar_shares

Eskrou shot(hisob)?

1 hafta ichida 2 ta uy va bitta mashina oldi-sotdisida sotuvchi/oluvchi sifatida qatnashdim.
Apreldan yo'lga qo'yilgan majburiy Eskrou shot yechimi bir tomondan foydali, ko'p tomondan noqulay ishlangani guvohi bo'ldim.

Avval sotuvchi va oluvchi to'g'ri notariusga borgan bo'lsa, hozir bankka borib, gal kutadi. 20 daqiqacha hisob raqam ochishga sarflaydi. Ba'zi banklarda hali yo'lga qo'yilmagan ham. Undan keyingina notariusga boriladi. Tahminan yarim kunni yo'q deysiz.

Noqulaymi? Noqulay. Ko'pchilikda puli dollarda bo'lgani sabab eskrou shotga uni qo'yish ortiqcha bosh og'riqlari bor. Masalan bank dollaringizni sotib olish kursida oladi. Sotuvchiga esa to'liq dollar tegmaydi shu bilan. Shu sabab ortiqchasi bilan qo'yishga to'g'ri keladi yoki sotuvchi qo'shimcha to'lov qilishi kerak. Shaxsan o'zimda yaxshigina pul shu jarayon orasida yo'qoldi.

#fikr

@umar_shares

Bir gap o'qib qoldim.

Odam o'zida yo'q narsalardan baxt qidiradi.

#fikr

@umar_shares

Kommentda yaxshi tilaklar qilgan barchaga Alloh bu uydanda karra-karra yaxshisini nasib qilsin.

Duo qilib turasizlar, eson-omon ta'mirlab olib, ko'chib olaylik.

Rahmat.

Endi bo'shadim. Komment yozgan barchaga rahmat. Tabriklar uchun tashakkur.

Uy va mashinani sotib, kichkinagina qarzcha qilib uy oldik bugun. Xonsaroy Ocean loyihasidan. Ikkinchi qo'l, kadastrlari tayyor. Bu uyni e'lonini ertaroq ko'rgandik. Ayolim shuni oliylik deb qo'ymagandi. "Pulimiz yetmaskanda, agar bizga yozilgan bo'lsa bizga keladi" — degan ma'noda aytgandim.

Kecha UZARO bilan shartnoma qilgan edik, mashinamda borgandim. Uyni shular orqali olmoqchi edim. Lekin ko'nglim to'lmayotgan edi. Sababi kimgadir oylik to'lov to'lab yashashni juda qattiq yomon ko'raman. Birovga bog'lanib qolishni yoqtirmayman.

Xullas, shartnoma qilib chiqib, mashinamni so'rayotgan akaga rozilik berdim. Shu kunni o'zida sotdik. Shu uyga telefon qildim, sotilmagan ekan. Narxini yana ham tushib berishdi, Alloh rozi bo'lsin. Joyida uyni ko'rib, "zaklad" berdim. Yaqin akamdan 1500$ qarz ham olib, bugun mana notarius tugadi. 24-30 soat ichida bo'lib ketdi hammasi. Muhimi oylik to'lov degan zanjirsiz oldik, Alhamdulillah.

Uyga qiziqqanlar bo'lsa: Maydoni 75kv + 16kv balkon, narxi 60.500$'ga tushdi. Karobka. Sekiin remont qilib olarmiz, inshaaAlloh.

#uy

@umar_shares

Uy oldik, Alhamdulillah.

Allohni rejalari mukammal ekaniga yana guvoh bo’ldim.

Sotildi ✅

Toshkentda uylar narxlari reallikdan tashqarida.

#fikr

@umar_shares