Ulug‘bek Po‘latov

Bundan 7 yil avval bir o'qituvchiga "Xalq ta'limi a'lochisi" ko'krak nishoni bilan taqdirlanishi, tuman mas'ullari esa vazirlikka uning nomzodini berishi kerak bo'lgan.

Lekin ular o'qituvchidan ko'krak nishoni uchun 300 AQSh dollar pul so'ragan. U o'qituvchi esa menga pul uchun beriladigan ko'krak nishoni kerakmas deb, taklifni rad qilgan. Nishon boshqasiga "berilgan".

Bugun o'sha o'qituvchi "Xalq ta'limi a'lochisi" ko'krak nishoni bilan taqdirlanibdi. Ha, oradan yillar o'tib, baribir o'sha o'qituvchi "Xalq ta'limi a'lochisi" bo'ldi. Faqat bunga 7 yil kerak bo'ldi.

Ha, aytgancha, barcha ustozlarga bayram muborak bo'lsin.

Telegram l Instagram l Facebook

Soliqdan o‘lib qutulish mumkin

Bu yil ilk marotaba Maktabgacha va maktab ta’limi vazirligi tomonidan pedagog xodimlarni qo‘llab-quvvatlash maqsadida “1 oktyabr — O‘qituvchi va murabbiylar kuni” munosabati bilan beriladigan mukofot pullari muddatidan avval pedagoglarning hisob raqamlariga o‘tkazib berilibdi.

Odatda mazkur mukofot pullari o‘qituvchilarga oktyabr oyining 5-sanasida oylik ish haqi bilan birga to‘lab berilardi. Bu yil esa vazirlik tomonidan to‘lovlarni bayram arafasida amalga oshirishga qaror qilingan ko‘rinadi.

Lekin bundan o‘qituvchilar norozi. Nega deysizmi? 12% soliq ushlab qolinibdi.

O‘qituvchilar meni hozir yomon ko‘rsa ham aytaman: Soliq shunday narsaki, undan faqat o‘lib qutulish mumkin. Ya’ni, istalgan davlatda yashaydigan fuqaro soliq to‘laydi, bu majburiyat.

Bizni fuqarolarda soliq madaniyati yaxshi shakllanmagani uchun ish haqidan yoki mukofot pulidan soliq ushlab qolinsa, jahlimiz chiqadi.

Bunaqa vaziyat yoshlarda ham kuzatiladi. Ishga kirayotganda qancha oylik olaman deydi, ishga kirgach soliq uchun ushlab qolinsa, arzini ishxonaga aytadi. Soliq majburiyati borligini unutadi.

Biroz qo‘polligim uchun uzr, lekin soliqdan qochmaylik!

Telegram l Instagram l Facebook

Bu bo'lgan ekan-ku...

Balki, shu vazifa ijrosi ertaroq ta'minlanganida Namangandagi qizaloq voqeasi ham bo'lmasmidi?

Biz esa hamma narsa sodir bo'lgach, o'zimizdn qahramon yasab yotibmiz.

Telegram l Instagram l Facebook

Mana senga ochiqlik

Ayni paytda Oliy Majlis Qonunchilik palatasida eng muhim masala —bolalarni zo‘ravonlikning barcha shakllaridan himoya qilish tizimini yanada takomillashtirishga qaratilgan qonun loyihasi deputatlar tomonidan muhokama qilinyapti.

Muhokama jarayonini esa jamoatchilik ko'rolmaydi, chunki Oliy Majlis jarayonni YouTube orqali efirga uzatishni to'xtatib, o'zining bir muncha imkoniyatlari cheklangan saytida namoyish qiladi.

Oliy Majlisning rasmiy sayti esa ishlagani yo'q, muhokama esa davom etyapti. Ha aytgancha, saytda videoni orqaga qaytarib ham ko'rib bo'lmaydi.

Jamoatchilik muhokama tugaganidan keyin bilib olaveradida.

Jonli efirmish — https://parliament.gov.uz/lifestream/251

Telegram l Instagram l Facebook

Bizni alifbodan ham ko'ra muhimroq ishlarimiz borligini so'nggi bo'lgan voqealar ko'rsatib qo'ydi.

Nima qilamiz? O' harfining dumi, Sh va Ch harflaridagi h qo'shimchasini muhokama qilib o'tiraveramizmi?

Telegram l Instagram l Facebook

Qo’shimcha

Normal kompaniyalarda butunboshli kompaniya taqdiri bilan bog’liq jiddiy masalalar faqat bitta shaxsning qarori bilan qabul qilinmaydi.

Buning uchun shu kompaniyada boshqaruv kengashi ham bo’lishi kerak.

Agar boshqaruv kengashi nomiga tuzilgan (o’lik) bo’lsa, unda kompaniyani juda ham qo’rqinchli kelajak kutayotgan bo’ladi.

Telegram l Instagram l Facebook

Taniqli marketologlardan biri Azizbek Yusufov yaqinda bitta podkastda kompaniyaga marketolog yonlagan tadbirkorning o’zi ham marketolog bo’lishi kerak, deb aytgandi.

Ya’ni, marketolog rahbarning oldiga qandaydir hisobot yoki marketing reja olib kirganda tadbirkorning o’zi shu sohani yaxshi tushunmasa, bu kompaniyaning milliardlab pullari behuda sarflanishiga olib kelar ekan.

Chunki, marketolog aldagan bo’lishi ham mumkin, balki o’yin qilgandir. Buni ko’ra olish uchun esa tadbirkordan marketing bo’yicha ozroq bilim talab qilinadi, bilimi bo’lmasa, boshqa biladiganlarning maslahatini olish kerak.

Agar berilgan takliflarni shundoq tasdiqlab beraversa, kompaniya pullari havoga uchishi ham mumkin.

Telegram l Instagram l Facebook

Qachon umidsizlikka tushsam, tizim o’nglanmasligini his qila boshlasam, Hamid Sodiqning mana shu gaplarini yana qayta eshitaman.

Telegram l Instagram l Facebook

Hisobingiz to'ldirildi...

616 mln so‘m, ya'ni 52 ming AQSH dollari miqdoridagi pul mukofoti "Yil o'qituvchisi" tanlovi g'olibi bo'lgan 208 nafar pedagoglarning bank kartasiga o'tkazib berildi.

Xabaringiz bor, yaqinda “Yil o‘qituvchisi” tanlovi g‘oliblari e'lon qilingandi. Tanlovda 46 ming nafardan ortiq o‘qituvchilar qatnashib, yakunda 208 nafar o‘qituvchi g‘olib deb topildi. 

Eslatib o'tamiz, tanlov g‘olibi bo'lgan pedagoglarning 616 million so‘mlik mukofot pulidan 12 foiz daromad solig‘i olinmaydi. Shu sababli, 616 mln so‘mlik pul mukofoti ularga to‘liq o'tkazib berildi.

Batafsil — https://xalqtaliminfo.uz/post/1742

Ta'limga oid eng so‘nggi yangiliklarni @xalqtaliminfo'da kuzatib boring.

Telegram l Instagram l YouTube

Ustozimiz eng to'g'risini aytadi

Bolalik paytimizda biror mavzu bo'yicha sinfdoshlar bilan tortishib qolsak, muhokama tugamasa, eng oxirgi gapni ustozimiz aytadi deb, ularning bunga munosabat bildirishini kutib o'tirardik. Yosh bola edikda...

Muhokama tugamagach, oxiri bunga ustozimiz aralashardi, kim haqiligini aytardi, keyin mavzu yopilardi. Ba'zi sinfdoshlarimiz bo'lardi, (odatda qizlar) ustozimiz aytgan gaplarni turlicha versiyalarda bizga "sharhlab" berardi.

Katta bo'lib shuni bildikki, o'shanda ustozni hamma aytgan gaplari ham to'g'ri bo'lmagan ekan. Biz yodlashga asoslangan ta'lim tizimda o'qiganimiz uchun tanqidiy fikrlay olmaganmiz, fiklrarni tahlil qilolmaganmiz. Ha, to'g'ri aytyapti deb, o'tiraverganmiz.

Aslida biroz tanqidiy fikrlash ko'nikmasini rivojlantirganimizda, bizga "sharhlovchilar" ham kerak bo'lmas ekan.

Telegram l Instagram l Facebook

Xotirjamlik

Men ba’zi amaldorlarning ko‘ziga qarab, o‘ta xotirjamlikni ko‘raman. Ularning ko‘zlari dunyoni suv bossa, o‘rdakka ne g‘am deyotgandek, go‘yo.

Qaysidir muammo ijtimoiy tarmoqlarda “yonayotgan” bo‘lsa-da, pinagini ham buzmay, qo‘lingdan nima ham kelardi deb qarab turaveradi.

Bilasizmi, nega ular hisobdorlikni his qilmaydi? Nega ular bu darajada xotirjam?

Birinchidan, parlamentimiz hisob so‘rashni bilmaydi. Hukumat soatida ham ayrim deputatlar savollarni qog‘ozdan o‘qib berib, masalaning ichiga tuzukroq kirmaganini sezdirib qo‘yishadi. Go'yoki avvaldan tayyorlab qo'yilgan ssenariy asosida rol o’ynashayotgandek...

Ikkinchidan, jamoatchilikning, ayrim jurnalist yoki blogerlarning ham qisman bo‘lsa-da aybi bor, deb o‘ylayman.

Masalan, o‘sha amaldor odamlarga yoqmaydigan tartib joriy qiladi. Kimdir tanqid qilishidan avval esa, bu tartibning “jozibadorligi” haqida ayrimlar “gapirtiriladi”, asl muammo xaspo‘shlanadi. Qarabsizki, olam guliston.

Yuqorida men nazarda tutgan amaldorlar ham shuning uchun o‘ta xotirjam. To‘g‘risida, parlament nima qiloladi? Jamoatchilik vakiliman deb ko‘krak kerib tanqid qilayotganlarning qo‘lidan nima ham kelardi, ortiqcha gapirib qolsa, “xizmat haqi” beriladi, yana maqtab beraveradi-da.

@u_pulatoff

Нега биз қонунга эмас, шахсларга ишонамиз?

5 ёшли қизчага нисбатан содир этилган мудҳиш жиноят ортидан юқори лавозимли амалдор шахсий фикр билдирди. Изоҳларда: «Раҳмат», «Барака топинг», «Яхшиям сиз бор экансиз» деб думалаб олқишлар ёғдириш бошланди.

Савол туғилади: биз аслида нимани олқишлаяпмиз?

Адолатни эмасми? Унда нега адолат бирор амалдорнинг шахсий фикрига боғлиқ бўлиши керак?

Агар қонун ишлаётган бўлса, бизга амалдорнинг ғазаби ёки раҳми эмас, қонуннинг ўзи керак. Жиноят содир этган одам лавозим эгасининг муносабати учун эмас, қонун олдида жавоб бериши керак.

Аммо бизнинг сиёсий ва ижтимоий тасаввуримизда бошқа бир муаммо бор: институт ўрнига шахсни қўйиб қўйганмиз.

Гўёки юқоридан бирор акахон/опахон қаттиқ гапирса — адолат бўлади. Кимдир «жазолансин» деса — давлат ишлаяпти, кимдир ҳамдардлик билдирса — биз миннатдор бўлишимиз керак.

Лекин бу жуда хавфли алмашинув.

Чунки бугун сиз ишонган шахс адолат ҳақида гапиради. Эртага бошқа бир шахс бошқа қарор қилади. Агар тизим шахсга боғланган бўлса, сизнинг ҳуқуқингиз ҳам шахснинг хоҳишига боғланган бўлади.

Ҳуқуқий давлатда фуқаро амалдорга раҳмат айтиб, адолат сўраб ялинмайди. Фуқаронинг ҳуқуқи — амалдорнинг марҳамати эмас.

Бизга қаҳрамон амалдорлар эмас, қаҳрамонга муҳтож бўлмайдиган институтлар керак.

Бизга «фалончи аралашди, шунинг учун иш ҳал бўлди» деган тизим эмас, «қонун шундай бўлгани учун иш шундай ҳал бўлди» деган тизим керак.

Энг ачинарлиси эса — биз баъзан қонун ишлаганидан эмас, кимдир кучлироқ одам сифатида аралашганидан хурсанд бўламиз.

Бу хурсандчилик ортида жуда жиддий савол турибди: Биз адолатни хоҳлаяпмизми ёки адолатни амалга оширадиган кучли одамни?

Эртага жамоатчилик назарига тушмаган, акахон, опахонлар аралашмаган фожеалар бости-бости бўлиб кетавермаслиги керак.

Инстаграмда бир нарса эътиборимни тортди: ҳеч ким болалар Омбудсманини белгиламаган, ҳамма давлат раҳбарларини белгилаб, ёрдам сўраган.

@imaginative_girl

Men Maktabgacha va maktab ta'limi vaziri bo'lganimda, tizim ichidagi muammolarni bartaraf qilolmaganim uchun iste'fo so'ragan bo'lardim.

Aybimni tan olib, allaqachon bayonot bilan chiqqan bo'lardim. Chunki, rostdan ham bog'chalardagi holatlarni bartaraf qilish bo'yicha hech qanday ta'sirchan choralar ko'rilmadi.

Aybdorni topib, jazoladik deyish — bu yechim emas. Buni hamma ham qiloladi.

Telegram l Instagram l Facebook

Omma nima desa, shunga ergashib ketaverish yaxshi emas. Nozik masalalarda do’ppini bir joyga qo’yib, chuqurroq tahlil qilish kerak.

Hech qachon shoshib qaror qabul qilinmasligi kerak. Faqat qonun gapirishi kerak.

Telegram l Instagram l Facebook

Qahramon Quronboyev Vazirlar Mahkamasi Ijtimoiy rivojlanish bo‘limi boshlig‘i lavozimiga tayinlandi.

Telegram l Instagram l YouTube

Menga kerakmi shu?

Yoshligimda kasb tanlash jarayonida turganimda bir narsani ko‘p o‘ylardim: Men shunday kasb tanlashim kerakki, odamlarga zararim tegmasin, bekordan-bekorga o'zimga dushman orttirib yurmay, kimnidir xafa qilib yurmay, tinchgina, hayotdan zavq olib yashay derdim.

O‘shanda nimagadir birdan jurnalist bo‘lish hayolimga kelgan. Jurnalistlikni esa shunchaki qiziq jarayonlarni yoritib boradigan kasb deb o‘ylaganman. Jurnalist bo‘lsam, hech kimga zararim tegmaydi derdim.

Keyin taqdir taqozosi bilan ta’lim yo‘lidan ketdim. Jurnalist bo’lolmadim. Ammo baribir jurnalistikaga yaqinroq bo'lgan sohaga kirib qoldim. Ta’limni yoritadigan kishiga aylandim.

Endi bilsam, bu g‘irt boshog'riq soha ekan. Kimningdir xatolarini ochib qo‘yadigan, xafa qiladigan, tizimdagi kamchiliklarni yozadigan soha ekan. Ba’zan o‘ylanib qolaman, menga shu kerakmi deb.

Men ham yaxshi narsalarni yozib, kimlarnidir maqtab yursam bo‘lmasmidi? Afsuski yo‘q, mening hayotdagi missiyam shu bo’lsa kerak.

Hozir ham yo’l bo’yi shuni o’ylab keldim, nega tanqidiy chiqishlar qilishim kerak, sal boshqacharoq yo’nalish tanlasam bo’lmasmidi, deb.

Telegram l Instagram l Facebook

Qora ro'yxatda bo'lsam kerak, deb o'ylagandim

Ancha vaqtdan beri telekanallar ko'rsatuvlarga chaqirmay qo'ygandi. Tanqidlarim sabab "qora ro'yxatga" tushgan bo'lsam kerak, deb o'ylagandim.

Yo'q, unday emasga o'xshaydi. Yaqinda MY5 telekanalining “Gapiring” tok-shousiga chaqirishdi. Jim turolmadim, yana tanqid qilib qo'ydim. Nima qilay, hozir maqtaydiganlar yetarlicha, hech yo'q biz rostini aytib turaylik.

Mavzu ham qiziq: Pedagogning qadri qonunda baland, amalda-chi?

Bugun soat 20:00 da MY5 telekanali yoki uning YOUTUBE sahifasida tomosha qiling!

Telegram l Instagram l Facebook

Ta’lim — biznes qilish, daromad orttirish uchun eng qulay va oson bo'lgan sohadir. Buning uchun tizimning qayeridan va qanday qilib pul ishlashni biladigan menejer bo‘lsa bas.

Telegram l Instagram l Facebook

Nihoyat, O'zbekistonda ham ayrim dronlardan foydalanishga ruxsat berilishi mumkin ekan

Xursand bo'lishga hali erta, hujjat loyihasiga ko'ra, hozircha faqat qishloq xo‘jaligida foydalaniladigan agrodronlarga ruxsat berish reja qilinyapti. Lekin shunda ham parvoz balandligi 30 metrdan oshmaydigan agrodrondan foydalanish talab qilinyapti.

Mayli, bunga ham mashinalar oynasi tonirovkasiga o'xshab sekin-asta talablar yengillashib borar. Harqalay, odamlar qishloq xo‘jaligida ham agrodrondan foydalana olmayotgandi.

Hozirgi zamonda uchuvchisiz uchadigan apparatlarga taqiq borligining o'zi mantiqsiz. Qasyi asrda yashayapmiz o'zi?

Telegram l Instagram l Facebook