Imaginative Girl 🦢

Indian English 😁

@imaginative_girl

Бопларкан😂

@imaginative_girl

Йил охирида ўқиган китобларимни санашни одат қилдим. Шунақа қилмасам, интернет титиб, бўш вақтимни бефойда ўтказиб юборар эканман.

@imaginative_girl

​​📖 Катта умидлар "Great expectations" Чарльз Диккенс

Асар қаҳрамони Пип — етим бола. У бой ва обрўли инсон бўлишни, Эстелланинг муҳаббатига сазовор бўлишни орзу қилади. Кутилмаганда унинг ҳаёти ўзгариб, катта бойликка эга бўлади, киборлар оламига киради. Аммо вақт ўтиши билан Пип бойлик ва мавқе инсонни бахтли қила олмаслигини тушунади. У ўзини чин дилдан яхши кўрган ва унга яхшилик қилган инсонларнинг қадрини англай бошлайди.

Инсоннинг ҳақиқий қадри унинг бойлиги ёки мавқеи билан эмас, балки қалби, меҳри ва инсонийлиги билан белгиланиши асарда очиб берилган.

Баъзан биз бахтни узоқдан қидирамиз, аслида эса у ёнимиздаги самимий инсонларда бўлади.

@imaginative_girl

Таълим муассасаларида шундай устозлар бўладики, уларнинг сони битта ёки иккита бўлади. Ота-оналар фарзандини айнан уларнинг синфига бериш учун навбат кутади. Комиссия келса, уларнинг дарсини кўрсатишга олиб киришади. Чунки уларнинг синфхонаси ҳам, ўзлари ҳам бошқаларга намуна бўлади.

Семинар дейилса — улар югуради.
Олимпиада дейилса — улар тайёрлайди.
Тадбир дейилса — яна уларнинг елкасида.
Ўқувчилари эса бошқалардан ўзининг билими, интизоми ва натижалари билан ажралиб туради. «Йил ўқитувчиси» танлови бўлса ҳам, улар боради. (Бу танловга қуруқ фахрий ёрлиқ бериладиган даврда ҳам айнан улар боришган).

Айнан шундай устозлар баъзан ўз ҳамкасблари томонидан рақиб сифатида кўрилган. Мактаб методистлари, раҳбарлар томонидан қўллаб-қувватланиш ўрнига тўсиқларга учраганлар ҳам бўлган.

Университетда ишлаб, соҳасида №1 бўлиб турганида ҳам «дарс йўқ» деган баҳона билан ишдан чиқарилган, ютуқларига ҳасад қилинган...

Лицейларда эса четда қолиб, кўз ёшини ичга ютиб, репетиторлик қилиб юрган...

Коллежда гуруҳ давомати 100 фоиз бўлган, ўқувчилари интизомли ва фаол бўлган устозлар ҳам айнан шулар эди.

Улар — ўз касбининг ҳақиқий фидойилари. Мен учун ҳақиқий устоз — айнан шундай инсон.

У доимо ҳақиқатни айтади.
Кўзлари ёниб туради.
Билим беришдан завқ олади.
Шогирдига лаганбардорликни эмас, ҳалолликни ўргатади.
Ўзи ҳам кимгадир ёқиш учун эмас, ўз касбига садоқати учун ишлайди.

Бундай устозни таниш қийин эмас. Унинг шогирдлари бор — натижалари гапиради. Унинг меҳнати бор — йиллар ўтиб ҳам изи кўринади. Унинг буюк қалби бор — ҳар бир дарсида сезилади. Йиллар давомида шогирдлари хотирасида айнан уларнинг исм, фамилиялари ёдда туради.

Бугун, менимча, айнан шундай устозларнинг даври келди.

Байрамингиз муборак бўлсин, фидойи устозлар! Сизлар — касбининг номини баланд қилаётган, таълимнинг қадрини сақлаб турган ҳақиқий устозларсиз! 🌷

@imaginative_girl

АҚШ Давлат котиби Марко Рубио октябрь ойининг ўртасида 100 дан ортиқ Америка компаниялари вакилларидан иборат бизнес делегациясига бошчилик қилган ҳолда Ўзбекистонга ташриф буюрар экан.👍

@imaginative_girl

Қиз туғиш керак😄

@imaginative_girl

Кучли ўқитувчиларни даври келди. Энди тўрда тракторчи эмас, ўқитувчи ўтиради.

@imaginative_girl

Кеча фейсбукда шу таклифларни ёзгандим, мана бу видео бугун чиқиб келди.

Болалар кимда қолишини суд ота-онадан кайси бирининг психикаси соғломлигини ҳам инобатга олиб қарор чиқариши шарт.

Ажримлар туфайли ҳам айрим холатларда болалар хавфсизлиги ва ҳуқуқлари бузилмоқда.

@imaginative_girl

Йил отаси
Father of the Year

@imaginative_girl

Педофилларга қарши курашиш учун фақат педофилларни жазолашни кучайтириш етарли эмас. Коррупция ҳам йўқолиши керак. Коррупцияни йўқотиш учун эса таниш-билишчилик билан, пора билан лавозимга келган, савияси паст ва виждонсиз одамлар тизимдан чиқиши керак. Ўрнига ҳалол, билимли, масъулиятли, ишига виждонан ёндашадиган мард инсонлар келиши керак.

@imaginative_girl

Ўзбекча Эпштейн

2018-йил — Марғилон.

1-сон Меҳрибонлик уйида вояга етмаган тарбияланувчиларга нисбатан жинсий жиноятлар, қийнаш, ҳомилани мажбуран тушириш ва бошқа жиноятлар бўйича иш судда кўрилган. 2018-йил августида собиқ директор ва бир қатор ходимларга ҳукм чиқарилган. Айрим судланувчилар озодликдан маҳрум қилинган.

2019-йил — Тошкент.

23-сон Меҳрибонлик уйида болаларнинг калтаклангани бўйича жиноят иши қўзғатилган. Суд-тиббий экспертизасида болалардан бирида жисмоний шикастланиш ва қийноқ излари аниқлангани ҳақида хабар берилган.

2021–2022-йиллар — Хоразм.

Урганчдаги оилавий меҳрибонлик уйида уч нафар вояга етмаган қиз 10 ой давомида турли эркаклар билан жинсий алоқага мажбурлангани ҳақидаги жиноят иши судгача етиб борган. Ишда меҳрибонлик уйи мудираси ва икки собиқ мансабдор шахс судланган. Воқеалар 2021-йил майидан 2022-йил февралигача бўлган даврни қамраб олган.
2022-йил сентябридаги ҳукмда меҳрибонлик уйи мудирасига 5 йил 6 ой озодликдан маҳрум қилиш жазоси, икки собиқ мансабдорга эса 1,5 йил озодликни чеклаш жазоси тайинлангани хабар қилинган. Кейинчалик Бош прокуратура мансабдорлар олган жазолар юзасидан протест киритган ва иш қайта кўриб чиқилган.

2023-йил — воқеа жамоатчиликка чиқди. Хоразмдаги жабрланган уч нафар қизнинг хавфсизлиги таъминлангани ҳам расмий даражада маълум қилинган.

Шу воқеаларнинг ўзиёқ жиддий саволлар туғдиради:
Вояга етмаган, ота-она қарамоғисиз қолган болаларни ким ҳимоя қилади?

Нега айрим мансабдор ёки муассаса ходимлари болаларга нисбатан ваколатидан фойдаланиб жиноят содир этиш имконига эга бўлган?

Ва энг муҳими — биз билмаган яна қандай ҳолатлар бор?

Бундай ҳунук воқеалар азалдан бўлган, фақат ҳозир очиқлик сиёсати ва интернет туфайли оммага чиқмоқда. Ота-онасиз болалар ҳимояси ҳам кучайтирилсин, деган мақсадда бу воқеаларни эсладим...

@imaginative_girl

Керак бўлса, минг марта уриниб кўраман, лекин ҳеч қачон ўзим хоҳламаган ҳаётда яшашга рози бўлмайман.

@imaginative_girl

Натижа бор жойда иқтидорнинг изи бор.

@imaginative_girl

208 нафар ўқитувчига 616 млн сўмдан ташлаб берилибди.😠

@imaginative_girl

Биз қачон ривожланамиз?

Узоқ муддатли тараққиёт стратегияларини фақат қонунлар, дастурлар ва институтлар орқали амалга ошириш мумкинми? Йўқ.

Чунки ҳар қандай институт охир-оқибат уни ишлатаётган инсоннинг дунёқараши билан чегараланади. Жамиятнинг онги ўзгармаса, энг замонавий стратегия ҳам эски ижтимоий муносабатларнинг янги номдаги давомига айланиши мумкин.

Биз ривожланган давлатлар тарихидан мисоллар келтирамиз. Уларнинг институтларига, иқтисодий моделларига, таълим тизимига қараймиз ва: «Нега бизда ҳам шундай эмас?» — деб сўраймиз.

Лекин бир нарсани кўпинча назардан қочирамиз: институтлар вакуумда пайдо бўлмайди!

Уларни муайян тарих, муайян ижтимоий муносабатлар, муайян маданият ва муайян инсонлар яратади.

Шунинг учун бошқа жамиятнинг тайёр моделини кўчириб олиш ҳар доим ҳам кутилган натижани бермайди. Чунки биз кўпинча натижани кўрамиз, лекин уни вужудга келтирган ижтимоий шароитларни эмас.

Биздаги муаммолар бошқа жамиятлардаги муаммоларнинг оддий нусхаси эмас.

Кундалик ҳаётда жамият сифатида дуч келаётган муаммоларимиз ҳам, мен ва сиз шахс сифатида тўқнашаётган муаммоларимиз ҳам ўз тарихимиз ва муҳитимиз билан боғлиқ. Демак, ечим ҳам тайёр ҳолда чет элдан келмайди. Биз ўзимиз яратишимиз керак.

Бугун, менимча, камида уч нарса ҳақида жиддий ўйлашимиз зарур:

• ривожланиш атрофида бирлаша оладиган фуқаролик маданиятини шакллантириш;

• дунёвий илм-фан ва танқидий тафаккурни жамият ҳаётининг марказига қўйиш;

• сунъий интеллект даврида тайёр ғояларни истеъмол қилувчи эмас, янги ғоялар яратувчи онгни шакллантириш.

Бу ерда энг муҳим масала технология ҳам, алоҳида бир ислоҳот ҳам эмас. Масала — инсоннинг ўзини ва жамиятдаги ўз ўрнини қандай тасаввур қилишида.

Эски дунёқараш устига янги сўзлар ёки ялтироқ қоплама қўшиш билан янгиланиш содир бўлмайди.

Бошқа давлатнинг тайёр моделини кўчириш билан ҳам тараққиёт кафолатланмайди.

Чунки тараққиёт — тайёр нарсани такрорлаш эмас. Тараққиёт — янги ижтимоий тасаввурни яратиш қобилиятидир.

Бизга энг аввало шу керак:
одамлар дунёқарашини ўзгартириш.

@imaginative_girl

​​«Ёшлик аҳдномаси» (Testament of Youth) китоби Вера Бриттен (1893–1970)нинг автобиографик асари. Китоб Биринчи жаҳон уруши ҳамда уруш туфайли юз берган катта йўқотишлар ҳақида ҳикоя қилади.

Вера Бриттен Англияда туғилиб, ёшлигидан таълим олишни ва университетда ўқишни жуда истаган. Ўша даврда аёллар учун университетда ўқиш имконияти ҳозиргидек оддий ҳол эмаслиги учун курашиб, Оксфорд университетининг Сомервилл коллежига ўқишга кириб, замонавий тарихни ўргана бошлайди. Унинг катта орзуси — яхши таълим олиш ва ёзувчи бўлиш эди.

У Оксфордда ўқиётган пайтида Биринчи жаҳон уруши бошланади. Вера ўқишини ташлаб, ҳамшира сифатида хизмат қилишга қарор қилади. Урушни узоқдан кузатиш ўрнига, Вера уни госпиталларда, ярадор ва ўлаётган ёш аскарлар орасида кўради.

Роланд Лейтон

Веранинг ҳаётида Роланд Лейтон алоҳида ўрин тутган. Улар ёшликда танишишади ва бир-бирини севиб қолишади. Роланд ҳам ёзувчиликка қизиққан, жуда иқтидорли эди.Вера Оксфордга боришига айнан у ёрдамлашади. Уруш бошлангач, Роланд фронтга кетади, у Вера билан унаштирилган эди, 1915 йилда эса Роланд Лейтон ҳалок бўлади...

Вера учун бу жуда катта зарба бўлади. Китобда унинг Роланд билан муносабати ва унинг ўлимидан кейинги қайғуси муҳим ўрин эгаллайди.

Укаси Эдвард

Вера учун яна бир катта фожиа — унинг укаси Эдвард Бриттеннинг урушда ҳалок бўлиши. Эдвард ҳам урушга кетади ва 1918 йилда Италия фронтида ҳалок бўлади.

Вера уруш туфайли севган инсони Роландни ҳам, укаси Эдвардни ҳам йўқотади.Бундан ташқари, унинг бошқа яқин дўстлари ҳам урушда ҳалок бўлади.

Китобда: Нега бутун бир авлоднинг ёш умри урушда қурбон бўлиши керак? деган жавобсиз савол ётади.

Уруш йилларида ўқишини тўхтатган Вера 1919 йилда Оксфордга қайтади. У тарих бўйича ўқишини давом эттиради ва 1921 йилда диплом олади. У урушда кўп нарсасини йўқотган бўлса ҳам, ўз ҳаётини қайта қуришга ҳаракат қилади.

Уруш Веранинг дунёқарашини тубдан ўзгартиради. У аввал ёш талаба ва ёзувчи бўлишни орзу қилган қиз эди. Урушдан кейин эса у тинчликпарвар ва урушга қарши фаолга айланади.

@imaginative_girl

Айримлар каналимдан пост олиб, лекин каналимни манба сифатида кўрсатмайди. Уларга акахонлари шундай топшириқ берса керак.

Эркак киши мард бўлиб туғилиб, мард бўлиб ўлиши керак.

@imaginative_girl

Тортни келин емади, холос))

@imaginative_girl

Буни ҳеч қачон ёзмайман, деб ўйлардим. Лекин биз уялиб, яширганимиз учун ҳам шундай воқеалар кўпаяди, деб ўйлаб қолдим.

5 ёш эдим, ҳали "участкага"мизга кўчмагандик, 6 ёшимда кўчганмиз. Онам ва укам билан участкадаги усталарга овқат олиб келдик. Онам уларга тушлик бераётган эди, дадам ҳам етиб келдилар. Онам укангни чақир, кетамиз, дедилар. Укам кўчага чиқиб кетган эди, 4 ёш. Уни узоқдан болалар билан ўйнаётганини кўрдим ва бор овозим билан чақира бошладим. Шунда бўлажак қўшнимиз, биздан 1-2 уй наридан бобом тенги бир эркак чиқди ва мени гапга сола бошлади. Мен унга эътибор бермай, укамни чақиришда давом этдим. Укам жуда шўх, мен эса жуда тартибли эдим, ишимни охирига етказишим керак эди.

Эркак менга қараб, "Анжир ейсанми?" деди. Мен ўзи анжирни ёқтирмасдим, ичида қурт бор деб, умуман ҳозиргача еб ҳам кўрмаганман. Мен "йўқ" деб жавоб бердим. "Анор-чи?", "Олма?"..."Ҳеч нарса емайман!" дедим, чунки доим овқат ҳам емай, помидор еб юрардим. Бирдан у эркак узун бўйи билан ортимдан келиб, катта қўллари билан даст кўтариб олди. "Тушаман" дейишимга қарамай, мени уйига олиб кириб кетди. Қандайдир дарахт тагига олиб келиб, "Уз" деб кўтариб, бор кучи билан кўкрак қисмимни қаттиқ-қаттиқ қиса бошлади. Мен юрагим ғаш бўлиб, йиғлашга тушдим: "Қўйиб юборинг!" деб тинмай ёлворардим агрессия билан. Юрагимда кучли ғашлик турди, уни мақсадини тушунмасдим, лекин кўнглим жуда хира бўлаётганди, безовта эдим.

Шу пайт бахтимга унинг фарзандлари эшикдан кириб қолди ва "Дада!" деб бақиришди. Мен югуриб тушиб қочдим ва уйга кириб, онамга энди "Анави қўшни чол мени уйга юр, мева бераман..." дейишим билан онам "Кир, деса яна кириб юрма!" деганларидан қўрқиб кетиб жим ичимга ютдим. Қолганини айтмадим. Ўша-ўша у чолдан қочадиган бўлдим.

Кейинчалик билсам, у чол йигитлик чоғида ҳам аёлни зўрлаган ва ўлдирган экан, қамалиб чиққан экан, 10 йилда чиқиб, жиноятчилигини яшириб, уйланган. Яқинда вафот этди, орада барибир бир вояга етган қизга тегажоғлик қилишга улгирди. Онамга ўша воқеани у ўлгандан кейин айтдим. Онам "Юрагим ўйнаб, қўрқиб кетяпман, жуда қўрқитяпсан", деганларида кулдим: "Худо асраганди, энди нега қўрқасиз?" деб...

@imaginative_girl