Жүргізуші куәлігін алу үшін емтихандарға жазылуды eGov және eGov Mobile қосымшаларына шығару мәселесі пысықталып жатыр. Бұл туралы Құрылтай депутаттарының сауалына Премьер-министрдің орынбасары — Жасанды интеллект және цифрлық даму министрі Жаслан Мәдиевтің жауабында айтылған.
— Қазіргі уақытта жүргізуші куәлігін алу үшін емтихандарға жазылу «ЦОН» мобильді қосымшасы арқылы онлайн-режимде жүзеге асырылады. Аталған механизмнің қолжетімділігін арттыру мақсатында осы сервисті eGov және eGov Mobile-ға қосымша шығару мәселесі пысықталып жатыр, — деді вице-премьер.