Түркістанда Ұлттық ұлан сарбаздары дрондарды басқаруды меңгеруде

Түркістан қаласындағы ҚР ІІМ Ұлттық ұланының 5574 әскери бөлімінің мерзімді қызмет сарбаздары ұшқышсыз ұшу аппараттарын басқару оқуынан өтуде.

Жыл басынан бастап дрон операторларын даярлау құқықтық тәртіп әскерлерінің жауынгерлік даярлық бағдарламасына ресми түрде енгізілді. Оқу сыныбында сарбаздар дрондардың құрылымын, басқару ережелерін және тактикалық қолдану негіздерін меңгереді.

Бағдарлама аясында командир, FPV-дрон операторы, оқ-дәрілер жөніндегі маман және барлау операторынан тұратын арнайы жауынгерлік есептоптар даярлануда. Оқудан өткен сарбаздар Түркістан қаласында патрульдік қызметке кірісіп, қоғамдық тәртіпті сақтауға және тұрғындар мен қала қонақтарының қауіпсіздігін қамтамасыз етуге тікелей атсалысады.