Алматыда мәнерлеп сырғанаудан Denis Ten Memorial Challenge 2026 халықаралық турнирі аяқталды

Алматыдағы «Халық Арена» мұз айдынында Олимпиада ойындарының қола жүлдегері Денис Теннің құрметіне арналған мәнерлеп сырғанаудан VIII халықаралық Denis Ten Memorial Challenge 2026 турнирі аяқталды.

Жарысқа 20-дан астам елден 150-ге жуық мәнерлеп сырғанаушы қатысты. Төрт күнге созылған турнирді 10 мыңға жуық көрермен тамашалады. Бұл туралы Алматы қаласы Спорт басқармасының өкілдері айтты.

Спортшылар ересектер мен жасөспірімдер арасында ерлер және әйелдер арасындағы жеке сырғанаудан, сондай-ақ мұз үстіндегі биден жүлделерді сарапқа салды. Турнир 2026/2027 маусымындағы ISU Challenger Series халықаралық жарыстар сериясы аясында өтті.