Сұрыптаудан зат алмасуға дейін: Алматыда Recycle Бірге экологиялық акциясы өтті

Алматыда 4 қазанда Қазақстан-Британ техникалық университетінің алаңында Recycle Бірге экологиялық акциясы өтті. Қала тұрғындары қайталама шикізатты сұрыптауға өткізіп, өзара зат алмасып, экологиялық бастамалармен таныса алды. Бұл туралы «Eco Almaty» ЖШС өкілдері хабарлады.

Акцияның негізгі бағыттарының бірі – заттарды қайта пайдалану болды. Қатысушылар өздеріне қажет болмай қалған киім-кешек пен басқа да заттарды өзгелерге беріп, олардың пайдалану мерзімін ұзартуға және қалдық көлемін азайтуға мүмкіндік алды.