Балалар алаңынан үлкен қоғамдық кеңістікке дейін: Алматыда Бұрындай көшесіндегі аумақ жаңарды

Алматының Жетісу ауданында «Халық қатысатын бюджет – 2026» бағдарламасы аясында тағы бір аумақты көркейту жұмыстары аяқталды.

Алматыдағы Бұрындай көшесі, 173д/19 мекенжайында ойын ойнауға, спортпен айналысуға, демалуға және отбасымен уақыт өткізуге арналған толыққанды қоғамдық кеңістік пайда болды. Бұған дейін мұнда шағын ғана балалар алаңы болған.

Енді мұнда футбол алаңы, екі балалар ойын алаңы, воркаут аймағы және демалуға арналған екі жайлы орын бар. Тұрғындар үшін 11 ойын элементі, 14 орындық, 14 қоқыс жәшігі және екі пергола орнатылды.