Қарасай ауданында құтқарушылар туристке көмек көрсетті

Алматы облысының Қарасай ауданында, Қаныш Сәтбаев шыңының маңында, теңіз деңгейінен 4317 метр биіктікте Алматы қаласы Мониторинг және жедел әрекет ету орталығының құтқарушылары 2007 жылы туған азаматқа көмек көрсетті.

Қараңғы түсуіне байланысты жас жігіт таудан төмен қарай өздігінен түсе алмаған. Құтқарушылар оны Эко-бекетке дейін алып барды. Ол жерден жас жігіт үйіне өз бетімен қайтты.

Туристке медициналық көмек қажет болған жоқ.