МУС рэжыму ў Беларусі хоча пашырыць паўнамоцтвы сілавікоў, каб у «асаблівых умовах» дзейнічаць без санкцыі пракурора.

Пра гэта заявіў Іван Кубракоў падчас вучэнняў у Гомелі, дзе адпрацоўваецца падаўленне масавых беспарадкаў.

Міністр таксама заклікаў узмацніць «прафілактыку» на прадпрыемствах і не дапускаць людзей да так званага «дэструктыўнага руху». На вучэннях сілавікі правяраюць гатоўнасць да прымянення зброі і спынення пратэстаў.

Фактычна ўлады зноў працягваюць пашыраць інструменты кантролю над грамадствам і рыхтаваць сілавыя структуры да новых магчымых пратэстаў, якіх рэжым найбольш пужаецца.