У Харкаўскай вобласці знік беларус, які ваяваў на баку Расіі

Беларус Аляксандр Савостюк, які служыў у расійскай арміі, знік без вестак на Харкаўскім кірунку.

20 жніўня ён разам з 52-гадовым расіянінам Васілём Таранам адправіўся на баявое заданне каля вёскі Круглае Ваўчанскага раёна. Пасля гэтага абодва перасталі выходзіць на сувязь, а 22 жніўня іх абвясцілі зніклымі без вестак.

Савостюк нарадзіўся ў 1969 годзе ў вёсцы Чэрск Брэсцкага раёна, апошнія гады жыў у Краснадарскім краі і, верагодна, служыў у расійскай вайсковай частцы па кантракце.

У 1992 годзе яго асудзілі на 3,5 года калоніі за рабаванне, але менш чым праз год ён выйшаў умоўна-датэрмінова.