Иситиш мавсумини кафолатли белгилаб кетиш керак

Кечаги йиғилишда Иситиш мавсумида газлашмаган ҳамда газ етиб бормаган ҳудудларда электр энергияси бўйича базавий меъёрни 200 киловатт-соатдан 350 киловатт-соатга ошириш таклифини ҳужжатлаштиришда биратўла иситиш мавсумига қатъий аниқлиқ киритиб кетилса бўларди.

2025 йилдан бери ҳар йили март бошланиши билан ҳарорат совуқ келганида бутун жамоатчилик Энергетика вазирлигига эланади (1, 2). Чунки иситиш мавсумининг аниқ формулировкаси қонунчиликда белгиланмаган ва бу бўйича субъектив таклифни Энергетика вазирлиги бериши керак.

Нима бўлгандаям, тарифлар ҳисобида иситиш даврининг бошланиш санаси ўзгартиришсиз қолдирилса ҳам, унинг тугаш даврини бутун Ўзбекистон учун камида 15 мартгача узайтириш ва тегишли базавий меъёрларни ҳам шунга мувофиқ қўллаш керак. Масалан, март ойи учун газга базавий меъёр 100 куб эмас, 300 куб - (100+500)/2, электр учун газлашмаган ҳудудларга 200 квт.соат эмас, 275 кВт.соат (200+350)/2 ҳисобида.