Korrupsiyaga qarshi murosasiz pozitsiya — taraqqiyot garovi

Termiz davlat muhandislik va agrotexnologiyalar universitetining Mexanika va konchilik ishi fakultetida korrupsiyaning oldini olish va yoshlar o‘rtasida huquqiy madaniyatni yuksaltirishga qaratilgan targ‘ibot-tashviqot tadbiri o‘tkazildi.

“Korrupsiya — taraqqiyot kushandasi” mavzusidagi tadbirda korrupsiyaning jamiyat taraqqiyotiga salbiy ta’siri, uning oldini olish mexanizmlari hamda korrupsiyaga nisbatan murosasiz munosabatni shakllantirish masalalari muhokama qilindi.

Tadbirda universitet “Komplayens-nazorat” tizimini boshqarish bo‘limi mas’ullari fakultet rahbariyati hamda tyutorlar ishtirok etdi. Muloqot davomida halollik, adolat, qonun ustuvorligi va shaffoflik kabi tamoyillarning jamiyat taraqqiyotidagi o‘rni alohida ta’kidlandi.

Zero, korrupsiyaga qarshi kurashish — nafaqat muayyan tashkilot yoki tizimning, balki har birimizning umumiy mas’uliyatimizdir.

📚 Termiz davlat muhandislik va agrotexnologiyalar universiteti Axborot xizmati

🌐tdmau.uz  ✅Telegram 🌐Instagram✅Facebook  📹YouTube