TDMAU | Rasmiy

Milliy qadriyatlar — millat ma’naviyatining asosi

Termiz davlat muhandislik va agrotexnologiyalar universitetida “Milliy qadriyatlar va ularning millat ma’naviyatida tutgan o‘rni” mavzusida talaba-yoshlar bilan o‘tkazilgan uchrashuvdan videorolik.

📚 Termiz davlat muhandislik va agrotexnologiyalar universiteti Axborot xizmati

🌐tdmau.uz  ✅Telegram 🌐Instagram✅Facebook  📹YouTube

Tabiiy ofatlar xavfini kamaytirish — xavfsiz kelajak sari muhim qadam

TDMAUda xalqaro kun munosabati bilan seminar-trening tashkil etildi

Termiz davlat muhandislik va agrotexnologiyalar universitetida 13-oktabr — Xalqaro tabiiy ofatlar xavfini kamaytirish kuni munosabati bilan amaliy-ma’rifiy seminar-trening o‘tkazildi.

Universitetning “Atrof-muhit muhandisligi va hayot faoliyati xavfsizligi” kafedrasi tashabbusi bilan Surxondaryo viloyati Favqulodda vaziyatlar boshqarmasi xodimlari hamkorligida tashkil etilgan tadbirda soha mutaxassislari, professor-o‘qituvchilar va talaba-yoshlar ishtirok etdi.

Seminar davomida mintaqamizga xos tabiiy ofatlar, jumladan, kuchli chang-qum bo‘ronlari, sel va yer silkinishlari xavfini erta aniqlash, zamonaviy monitoring tizimlaridan foydalanish hamda favqulodda vaziyatlarda tezkor va to‘g‘ri harakat qilish masalalari muhokama qilindi.

📌 Shuningdek, quyidagi yo‘nalishlarga alohida e’tibor qaratildi:
🔹 Tabiiy ofatlarning oldini olishda zamonaviy ilmiy-texnik yondashuvlar va erta ogohlantirish tizimlarining ahamiyati;
🔹 Aholi, ayniqsa, yoshlar o‘rtasida xavfsizlik madaniyatini shakllantirish;
🔹 Favqulodda vaziyatlarda evakuatsiya qoidalariga rioya qilish, birinchi yordam ko‘rsatish va xavfsiz xatti-harakat ko‘nikmalarini rivojlantirish.

Seminar qizg‘in savol-javoblar va amaliy tavsiyalar bilan davom etdi. Talabalar o‘zlarini qiziqtirgan savollarga Favqulodda vaziyatlar boshqarmasi mutaxassislaridan batafsil javob oldilar.

📚 Termiz davlat muhandislik va agrotexnologiyalar universiteti Axborot xizmati

🌐tdmau.uz  ✅Telegram 🌐Instagram✅Facebook  📹YouTube

Magistraturaga qabul bo‘yicha muhim ma’lumot!

Termiz davlat muhandislik va agrotexnologiyalar universiteti magistratura mutaxassisliklariga qo‘shimcha to‘lov-kontrakt asosida o‘qish uchun topshirilgan arizalar ijobiy ko‘rib chiqildi.

📌 Diqqat, abituriyentlar!

Ariza topshirgan barcha abituriyentlardan 2026-yil 15-oktabr kuni soat 09:00 da universitetga kelishlari so‘raladi.

Belgilangan sana va vaqtda universitetga kelishingizni so‘raymiz.

📚 Termiz davlat muhandislik va agrotexnologiyalar universiteti Axborot xizmati

🌐tdmau.uz  ✅Telegram 🌐Instagram✅Facebook  📹YouTube

TDMAUga xitoy delegatsiyasi tashrif buyurdi

🇨🇳 Tog‘-kon sanoati va turizm sohalarida hamkorlik istiqbollari

Surxondaryo viloyati hokimi Ulug‘bek Qosimov Xitoyning “Anhui Jinjiu Mining Group” kompaniyasi bosh direktori Szyuy Yunfen boshchiligidagi delegatsiyani qabul qildi. Uchrashuvda tog‘-kon sanoati va turizm sohalarida investitsiyaviy hamkorlik masalalari muhokama qilindi.

Tashrif doirasida delegatsiya a’zolari Termiz davlat muhandislik va agrotexnologiyalar universitetida ham bo‘lishdi.

Mehmonlar universitetda tashkil etilgan Surxon geologiyasi muzeyi faoliyati bilan tanishib, mutaxassisdan Surxon vohasining geologik tuzilishi, tabiiy resurslari va mineral boyliklari haqida batafsil ma’lumot oldilar.

Mazkur tashrif hududning geologik salohiyatini namoyish etish, xalqaro aloqalarni rivojlantirish hamda istiqbolli hamkorlik yo‘nalishlarini o‘rganish uchun muhim ahamiyat kasb etadi.

📚 Termiz davlat muhandislik va agrotexnologiyalar universiteti Axborot xizmati

🌐tdmau.uz  ✅Telegram 🌐Instagram✅Facebook  📹YouTube

Milliy qadriyatlar va betakror ta’mlar bayrami, TDMAUning festivaldagi ishtiroki

Surxon vohasining betakror tabiati, boy gastronomik merosi, uzumchilik an’analari va mehmondo‘stligini keng targ‘ib etishga qaratilgan “O‘zbekiston enoturizmi va milliy taomlari” festivali bo‘lib o‘tdi.

Oltinsoy tumanidagi “Xo‘jaipok” sanatoriysida tashkil etilgan festivalda Termiz davlat muhandislik va agrotexnologiyalar universiteti vakillari hamda talaba-yoshlar faol qatnashdi.

Universitet jamoasi o‘z pavilonida milliy liboslarda ishtirok etib, o‘zbek xalqining boy milliy taomlari va qadimiy urf-odatlarini namoyish etdi. Turli xil milliy taomlar ko‘rgazmasi orqali xalqimizning o‘ziga xos gastronomik merosi va mehmondo‘stlik an’analari keng targ‘ib qilindi.

🇺🇿 Bunday festivallar milliy qadriyatlarimizni asrab-avaylash, yoshlar qalbida milliy merosimizga hurmat tuyg‘usini mustahkamlash hamda hududning turizm salohiyatini keng namoyish etishda muhim ahamiyat kasb etadi.

📚 Termiz davlat muhandislik va agrotexnologiyalar universiteti Axborot xizmati

🌐tdmau.uz  ✅Telegram 🌐Instagram✅Facebook  📹YouTube