Rossiya Sibirdagi ikkinchi vabo holati haqidagi xabarlarni rad etdi, lekin AQSh, Yevropa va JSST Moskvani bu masalada ochiq va shaffof bo‘lishga chaqirmoqda.
Gap Irkutskdagi vaboga qarshi ilmiy-tadqiqot institutida ishlagan 28 yoshli xodimaning o‘limi ortidan paydo bo‘lgan xavotirlar haqida ketmoqda. Ayol noma’lum sababli pnevmoniyadan vafot etgan, biroq Rossiya rasmiylari uning vabodan vafot etganini tasdiqlamagan. JSST ikkinchi xodimda ham kelib chiqishi noma’lum pnevmoniya kuzatilgani haqidagi xabarlarni tekshirish uchun, Moskva sog‘liqni saqlash vazirligiga bir nechta so‘rovlar yuborgan. Kremlin matbuot kotibi Dmitriy Peskov esa: “Ommaviy axborot vositalarining ushbu vaziyat yuzasidan tarqatayotgan xabarlarining aksariyati yolg‘on ma’lumotdir”, deya xabar bergan va faqat rasmiy ma’lumot chiqaruvchi Rospotrebnadzor’ga ishonishga chaqirgan.
AQSh Prezidenti Donald Tramp chorshanba kuni jurnalistlarning infeksiya biologik quroldan kelib chiqqan bo‘lishi ehtimoli haqidagi savoliga javoban: “Biz bunday deb o‘ylamaymiz”, degan. Tramp Rossiya Prezidenti Vladimir Putin bilan gaplashganini tasdiqlagan: “Rossiya ko‘p gap gapirmayapti, lekin barchasi nazorat ostida ekanligini ta’kidlamoqda”, deb aytgan media nashrlarga.
“Biz ikkita — biri Rossiyaga tegishli — OAVdan ma’lumot oldik”, — dedi Tedros chorshanba kuni bo‘lib o‘tgan brifingda va qo‘shimcha qildi: “Biz Rossiyadan bu borada munosabat bildirishni so‘radik”. “Biz kelib tushayotgan har qanday xabarni e’tiborsiz qoldira olmaymiz”, degan JSST rahbari.
Qani, endi voqealar rivojini kuzatib boramiz, nima bo‘larkin?
✅@TeacherAzam