Аԥсны агәҭылса: Риҵатәи амилаҭтә парк 30 шықәса ахыҵуеит.

Риҵатәи амилаҭтә ареликттә парк еиҿкаан жьҭаара 17, 1996 шықәсазы аҳәырԥсарра шьаҭас иаҭаны.

Аӡиа Риҵа шьақәгылеит 400 шықәса раԥхьа иҟалаз адгьылҵасра иабзоураны. Иара шьҭоуп амшын аҟынтәи 950 метра аҳаракыраҿ. Риҵатәи амилаҭтә ареликтә парк ахь аӡиа Риҵа адагьы иаҵанакуеит аӡиа Иаҵәа, Иаӷьа аӡхыҽҽа, Риҵа Маҷ, аӡиа Мзы, Ауадҳара аԥшаҳәаҿы иҟоу аӡцәыцәы, аӡиасқәа Бзыҧ, Иаӷьа, Ҩыԥсара реиҩхаа ҭшәақәа.

Риҵатәи апарк ӡынгьы ԥхынгьы асасцәа рацәаҩны иаҭаауеит. Аҭыԥантәи ауааԥсыра ракәзар Аԥсны аҭыԥқәа иреиӷьаршьоит.

Риҵатәи амилаҭтә парк 30-тәи ашықәсқәа инадыркны 20-тәи ашәышықәса анҵәамҭанӡа иҳәырԥсарран. Апарк 390 километр ԥшьыркца амҽханакуеит, Урыстәылатәи Афедерациа Аахыц Кавказ амилаҭтә паркқәеи аҳәырԥсаррақәеи Рассоциациа иалоуп.

Аӡиа Риҵа — Кавказ иҟоу аӡиа ԥшӡақәа ируакуп. Уи ақәыԥшылара амҽхак 1.27 метр ԥшьыркца артәоит. Аура — 2490 инаӡоит, аҭбаара — 270 инаркны 870 метра рҟынӡа ыҟоуп. Уи 116 метра аҵаулара амоуп.

Аҳәырԥсарра аԥстәқәа рылагьы ибеиоуп. Араҟа иҟоуп — амшә, абгахәыҷы, абынҳәа, ашьабсҭа, аҽацә, уҳәа, иҟоуп даҽаџьара иуԥымло аԥсаатәгьы. Аӡиасқәеи аӡиақәеи беиоуп акалмаҳала. Ашәаԥыџьаԥ акәзар иазҳауеит хкы рацәала, иҟоуп ашә, аџь,ахьаца уҳәа егьырҭгьы.
#social