Лыхны "Аҽаҩраныҳәа" иалагеит.

Аныҳәа иалахәуп Гәдоуҭа араион ақыҭақәеи, Афон ҿыц ақалақьи.

Аҭоурых ду змоу Лыхнашҭа, досу рашҭақәа абыцала ишшны, аҿамаҿа иҭаргалаз ашәыри ауҭраҭыхи рыла ирԥшӡан иҟарҵеит. Анхацәа ицәырыргеит амилаҭ чыс, аҩы, ауаҭка, ашәыр, ауҭраҭых. Шьыжьнаҵы амцақәа еиқәырҵеит ашьтәеи абысҭеи армазеиразы.

🖇 Лыхнашҭа — аҽаҩраныҳәа мацарам, аԥсуаа ҳатрадициатә культура ахкқәа зегьы раарԥшреи реихаҳареи иазкуп. Абри ахықәкы шьҭыхны раԥхьаӡа акәны имҩаԥган 1984 шықәсазы.