Ашәҟәыҩҩы, апублицист Даур Наҷҟьебиа изку адокументалтә фильм ҭырхуеит апроект "Аԥсны ауаа" аетап ҿыц аҳәаақәа ирҭагӡаны, аинтернет аҿиара аинститут ацхыраарала.

Аҭыхрақәа хацыркхоит жьҭаара 10 рзы Аҟәа.

"Аԥсны ауаа" — ареспублика иналукааша ҳаамҭазтәи ахаҭарақәа ирызку адокументалтә фильмқәа ааба рыла ишьақәгылоу циклуп.

Авторцәа иазгәарҭоит, анаҩстәи аҭыхымҭа ашкол ԥсҭазаара ашьҭахь афизик изанааҭ алызхыз, аха арҿиаратә мҩа ианыланы аԥсуа радио аурыс маҵзура напхагара азҭоз Даур Наҷҟьебиа ирҿиаратә мҩа ишазкхо.

Ашәҟәыҩҩ ироман "Аҵх аԥшаҳәа" еиҭагоуп абызшәақәа жәпакы рахь, давторуп хыԥхьаӡара рацәала астатиақәа, ажәабжьқәа реизгақәа.

Апроект нагӡахоит аинтернет аҿиара аинститут (ИРИ) агрант ацхыраарала, ахырхарҭа "Амилаҭтә контент" аҳәаақәа ирҭагӡаны.

Апроект акоманда: анапхгаҩы Сабыхә Мамедов; арежиссиор — Инар Нарманиа, асценарист — Наур Гармелиа, акоординатор — Арда Лышәба, анагӡаратә продиусер — Салима Лабиа, аредактор — Анжела Бебиаԥҳа.