Аԥсны Жәлар Реизара акомитеттә еилатәара Гал араион аҭоурыхтә ҭыԥхьыӡқәа рырхынҳәреи ирҿыцу ахсаала аиқәыршәареи рзы аусмҩаԥгатә хнаркәшоит ҳәа арадио Sputnik аҟны иҳәеит Апарламент адепутат Асҭамыр Џьопуа.

"Араион иаҵанакуа ақыҭақәа, урҭ рҳәаа, уа иҟоу ашьхақәа, аӡыхьқәа, аӡиасқәа — зегьы ахсаала ҿыц аҟны иарбахоит. Аус шықәсык иназынаԥшуа ицон. Уи иацу ахарџьқәа, Жәлар Реизара — Апарламент Аҳәынҭқарратә биџьет аҟынтәи иазоужьхартә адгылара анаҭоит, сынтәа инагӡаны ахархәагақәа азымхаргьы, иааиуа ашықәс азы иацҵахахартә еиԥш", — иҳәеит адепутат.

Аԥсны Жәлар Реизара адепутат Асҭамыр Џьопуеи арадио Sputnik Аԥсны амҩаԥгаҩ Лана Аԥшьлааԥҳаи инеиҵыху реиҿцәажәара шәахәаԥшыр ҟалоит абра.
#social