Очамчыра араион иҟоу 26 школ рахьынтәи 13 афатә ԥхала еиқәыршәоуп, иаанхаз даҽа 13 — чарыцла ҳәа арадио Sputnik иазеиҭеиҳәеит Очамчыра арион аҵараусбарҭа аиҳабы Ҭемыр Гындиа.

Гындиа иажәақәа рыла, ашколқәа афатә ԥхала реиқәыршәара иалагаанӡа, еилкаан урҭ рҟны иҟоу акрыфарҭақәа рҭагылазаашьақәеи рылшарақәеи. Урҭ ҳасаб рзуны ашколқәа фатәыла еиқәдыршәоит.

"Иахьатәи аамҭаз 255-ҩык араион алагарҭатә классқәа рҵаҩцәа фатә ԥхала еиқәыршәоуп. Афатә ԥха азырхиара аҭагылазаашьа ахьыҟам, аха чарыцла еиқәҳаршәо ашколқәа рҿы, 437-ҩык аҵаҩцәа ыҟоуп", — ҳәа азгәаиҭеит Гындиа.

🖇 Аԥсны аиҵбыратәи аклассқәа рҵаҩцәа рзы ашколтә крыфарҭақәа рҿы ахәы ԥханы аҟаҵара алыршоуп Урыстәыла ахада ирезервтә фонд аԥара азоужьрала. Владимир Путин иӡбарала арҭ ахықәкқәа ирзынархоуп 245 млн мааҭ. Апрограмма алыршахоит Урыстәыла аԥаразоужьралеи, Аԥсны абиуџьет аҟынтәи ацхыраареи рыла.

Инеиҵыху аиҿцәажәара шәазыӡырҩыр ҟалоит абра.
#social