"Аԥсны амедиа ҿыцқәа" аҩбатәи асезон хацыркхоит — иалахәылахар зҭаху рҟынтәи аҳәарақәа ахьырацәоу азы, абри атәы арадио Sputnik аҿы илҳәеит апроект ашьаҭаркҩы Иулиа Аблец.

Апрограммаҿы ҳақәдыргәыӷуеит атема ҿыцқәа, аспикерцәа, зыхьӡ макьаназ имаӡоу, ианеиҵаха ҟаза ҿыцк, рыҟалара.

Убри аан аиҿкааҩцәа ирыгәҭакуп актәи асезон аҟынтәи ихадоу — апроекттә треки амедиакомандақәа раԥҵареи реиқәырхара. Актәи асезон аан ауп ианцәырҵ апроектқәа "Аҩны", "Ажәла амч", аҭҵаарадырра-популиартә шоу "А наука?", "Аԥсны аекстрим тур", аԥсуа контент змоу амаҵзура ҿыцқәа.

🖇 "Аԥсны амедиа ҿыцқәа" актәи асезон хыркәшахеит сынтәатәи ааԥынразы. Уи иалахәын 50-ҩык ареспублика амедиа азҟазацәа. Алахәылацәа Аԥсны акультуреи атрадициақәеи, атуризми аҭҵаарадырреи ирызку апроектқәа аус рыдырулеит. 14 проект аресурстәи аексперттәи цхыраара роуит.

Жьҭаара 13 рзы Аҟәа имҩаԥгахоит аҩбатәи асезон ахацыркра иазку аинтенсив.
#social