Ҭаҭарсҭан афинанстә цхыраарала Аҟәа аԥшаҳәа ахәҭак аиҭашьақәыргыларатә усурақәа назыгӡоз анардадаратә еиҿкаара ахаҭарнакцәа аҳҭнықалақь ахадараҿы аҳамҭақәа ранаршьеит.

Аргылаҩцәа ҭабуп ҳәа рарҳәеит ламысла рџьабааи, инагӡоу аусурақәа рхаҭабзиара ҳараки, ишьақәыргылоу аҿҳәарақәа иахымгакәа рықәныҟәареи рзы.

Аҟәа ахада ихаҭыԥуаҩцәа Автандил Сурманиӡеи Константин Ҭарбеи ражәақәа рыла, убри ауп акрызҵазкуа аинфраструктуратә проект қәҿиарала ахыркәшара зыбзоуроу.

Анардадаҩцәа ракәзар, ақалақьтә маҵзурақәеи дареи рҳәоу еиқәшәаны реинырра ицәырҵуа азҵаарақәа ианаамҭоу, хра рыманы рыӡбара алнаршеит ҳәа азгәарҭеит.

🖇 Аҟәа аԥшаҳәа аиҭашьақәыргылара мҩаԥысуан Ҭаҭарсҭан, Башкортосҭан, Нижни Новгород, Краснодартәи атәылаҿацә, Жәларбжьаратәи аҳаирбаӷәаза "Аҟәа", аԥсуа-аурыс бизнес ахаҭарнакцәа русеицуреи рфинанстә цхыраареи ирыбзоураны.
#social