"Ихьыԥшым Аԥсны аҳәынҭқарра неилых ҟамҵакәа ахырхарҭақәа зегь рыла аҿиараҿы ацхыраара аҳҭалоит".
Москва имҩаԥысуеит Аԥсни Урыстәылеи рыдәныҟатәи аусқәа рминистрцәа Олег Барцыци Сергеи Лаврови реиԥылара.
Лавров иазгәеиҭеит атәылақәа реизыҟазаашьақәа динамикала аҿиара ишаҿу. Москва анаҩсгьы Аҟәа адгылара анаҭалоит атәыла аҩнуҵҟатәи аҿиареи жәларбжьаратәи аренаҿы акоординациеи рҿы.
Хазы аминистр иазгәеиҭеит ареспублика анапхгара иқәдыргылаз ахықәкы — 2030 шықәсазы хәмиллионҩык рҟынӡа аԥсшьацәа шықәсык аҩнуҵаҟа ареспубликаҿы рыдкыларазы алшарақәа раԥҵара. Урыстәыла ари ахықәкы анагӡара иацхраауеит, аха иазгәаҭатәуп уи азы аинфраструктуреи ашәарҭадареи алагалақәа шаҭаххо.
Post #21127
37