Аԥсны ҩ-ганктәи аусеицура аҳәаақәа ирҭагӡаны Урыстәыла иаднагалаша ыҟоуп ҳәа азгәеиҭеит аҳәынҭқарра ахада Бадра Гәынба Урыстәылатәи Афедерациа аԥыза-министр ихаҭыԥуаҩ Денис Мантуров иԥылараан.

Иара иазгәеиҭеит аԥснытәии урыстәылатәии абизнесуаа рзы аинтерес зҵоу ареспублика атранзиттә лшарақәа.

Мантуров иакәзар, Москвеи Аҟәеи реизыҟазаашьақәа рышьақәыргылареи рырӷәӷәареи хықәкыс ишамоугьы шьақәирӷәӷәеит.

"Ҳтәылақәа рыбжьара аиҩызаратә, астратегиатә еизыҟазаашьақәа римпульс иҵегьы ишьақәсыргылатәуп, ареспублика аҿиара иацу алшарақәа рыла ихасырҭәаатәуп", — иҳәеит иара.
#social