Иракли Хынҭәба Санкт-Петербург имҩаԥысуа еиду акультурақәа XII рфорум ихы алаирхәит.

Аусмҩаԥгатә мҩаԥысуеит цәыббра 24-26 рзы "Еиду акультурақәа — азеиԥш беиарақәа" адевиз аманы. РУСДРАМ адиректор хада афорум актәи амш азы ҳаамҭазтәи асценатә ҟазара аҿиара иҵару азҵаарақәеи жәларбжьаратәи азанааҭтә еинырреи ирызку аиҿцәажәарақәа дрылахәын ҳәа аанацҳауеит атеатр апресс-маҵзура.

Иара убасгьы, иара дырԥылеит акультура иналукааша аусзуҩцәеи атеатрқәа рнапхгаҩцәеи — Сергеи Безруков, Евгени Книазев, Валери Фокин уҳәа аӡәырҩы.

Иахьа Хынҭәба Атеатртә усзуҩцәа реидгылеи аҳәаанырцәтәи атәылақәеи реинырра иалацәажәараны иахьыҟоу АУР еиҿнакааз астол гьежь аҿы спикерс дҟалоит.