Аԥсны ақыҭанхамҩа аминистр Беслан Џьопуа Жәларбжьаратәи аекономикатә форум аҳәаақәа ирҭагӡаны аусбарҭеи Россельхозцентри, ақыҭанхамҩатә нхарҭақәа реиҭарҿиаразы ацентр хадеи, Росагрохиммаҵзуреи, "Шьелково Агрохими" русеицуразы аиқәшаҳаҭрақәа инапы рыҵаиҩит.

Аганқәа абарҭ аусхкқәа рҿы аусеицуразы еиқәшаҳаҭхеит:

▫️афитохылаԥшреи ақыҭанхамҩатә культурақәа рҵиаақәа рыхьчареи,
▫️зыжәла бзиоу арахә рааӡара, Аԥсны аҵакыраҿы ақыҭанхамҩатә иԥсабаратәым ажәла аиҭарҿиара,
▫️агрохимиатә, адгьылтә, аекологиа-токсикологиатә гәаҭарақәа, аминералтә рҵәыгақәеи амелиорациатә усмҩаԥгатәқәеи рхархәара.

🖇 Sputnik Аԥсны — жәларбжьаратәи афорум "Аԥсны–ԥхьаҟатәи аинвестициақәа" аинформациатә партниор хадоуп. Афорум аҟынтәи ажәабжьқәа шәрыцклаԥшлар алшоит ҳсаит аҿы.